ທີ່ການເຮັດວຽກ, ທ່ານຮອງລັດຖະມົນຕີ Daniel Blazkovec ຊົມເຊີຍຫວຽດນາມ ຈັດຕັ້ງງານວາງສະແດງປ້ອງກັນຊາດສາກົນຫວຽດນາມ 2024 ປະສົບຜົນສຳເລັດ, ໃນນັ້ນມີການເຂົ້າຮ່ວມຂອງຄະນະຜູ້ແທນກະຊວງປ້ອງກັນປະເທດ ແລະບັນດາວິສາຫະກິດປ້ອງກັນຊາດ ສ ເຊັກ; ເນັ້ນໜັກວ່າ: ສາທາລະນະລັດ ເຊັກ ແລະຫວຽດນາມ ມີຄວາມສາມາດບົ່ມຊ້ອນຫຼາຍຢ່າງ ເພື່ອຊຸກຍູ້ການຮ່ວມມືດ້ານປ້ອງກັນຊາດສອງຝ່າຍໃນຫຼາຍຂົງເຂດ; ໂດຍໃຫ້ຮູ້ວ່າ ສ ເຊັກ ປາດຖະໜາຢາກສືບຕໍ່ເພີ່ມທະວີການຮ່ວມມືດ້ານອຸດສາຫະກຳປ້ອງກັນຊາດກັບຫວຽດນາມ.

leftcenterrightdel
ບັນຍາກາດທີ່ການເຮັດວຽກ. ພາບ:​ ສໍານັກຂ່າວສານຫວຽດນາມ

ທ່ານພົນໂທ ຟ້າມຮວ່າຍນາມ ຕີລາຄາສູງໝາກຜົນການຮ່ວມມືລະຫວ່າງຫວຽດນາມ ແລະສ ເຊັກ ເວົ້າລວມ ແລະລະຫວ່າງກະຊວງປ້ອງກັນປະເທດສອງປະເທດເວົ້າສະເພາະ ໃນໄລຍະຜ່ານມາ; ຕີລາຄາສູງຂໍ້ສະເໜີຂອງສາທາລະນະລັດ ເຊັກ ໃນການເພີ່ມທະວີການຮ່ວມມືດ້ານປ້ອງກັນຊາດສອງຝ່າຍ; ເນັ້ນໜັກວ່າ ຫວຽດນາມ ກໍ່ປາດຖະໜາຢາກເພີ່ມທະວີການຮ່ວມມືກັບ ສ ເຊັກ  ໃນຂົງເຂດອຸດສາຫະກຳປ້ອງກັນຊາດ, ບຳລຸງສ້າງແຫຼ່ງຊັບພະຍາກອນມະນຸດ... ທ່ານພົນໂທ ຟ້າມຮວ່າຍນາມ ສະເໜີວ່າ ໃນໄລຍະຈະມາເຖິງ, ບົນພື້ນຖານບັນດາຂໍ້ຕົກລົງທີ່ໄດ້ລົງນາມແລ້ວລະຫວ່າງຫວຽດນາມ ແລະສ ເຊັກ, ກະຊວງປ້ອງກັນປະເທດ 2 ປະເທດຕ້ອງສືບຕໍ່ເສີມຂະຫຍາຍການຮ່ວມມືໃນບັນດາຂົງເຂດທີ່ພວມຜັນຂະຫຍາຍຢ່າງມີປະສິດທິຜົນ ແລະແທດຈິງກວ່າອີກ, ຄົ້ນຄວ້າຊຸກຍູ້ຂົງເຂດຮ່ວມມືຕ່າງໆທີ່ເໝາະສົມກັບຄວາມສາມາດ ແລະຄວາມຕ້ອງການຂອງທັງສອງຝ່າຍເພື່ອນໍາການຮ່ວມມືດ້ານປ້ອງກັນຊາດສອງຝ່າຍຂຶ້ນສູ່ລະດັບສູງໃໝ່, ໂດຍສະເພາະແມ່ນໃນສະພາບການທີ່ສອງປະເທດໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ.

ໂດຍ: ທະນາພອນ