ລະດູບານໃໝ່ - ປີມະເສັງ 2025 ໄດ້ວຽນມາ ເຊິ່ງໄດ້ນໍາເອົາຄວາມເບີກບານມ່ວນຊື່ນ, ຄວາມຫວັງ ແລະຄວາມໃຝ່ຝັນອັນດີງາມມາສູ່ປະເທດຊາດ ແລະປະຊາຊົນທຸກຄົນ. ໃນຈຸດເວລາສົ່ງທ້າຍປີເກົ່າ ປີມະໂລງ 2024 ຕ້ອນຮັບປີໃໝ່ ປີມະເສັງ 2025, ຕາງໜ້າການນໍາພັກ, ລັດ, ຂ້າພະເຈົ້າ ຂໍຖືໂອກາດອັນເປັນສິລິມຸງຄຸນນີ້ ຂໍສົ່ງພອນໄຊອັນປະເສີດມາຍັງພີ່ນ້ອງຮ່ວມຊາດ, ສະຫາຍ, ນັກຮົບທົ່ວປະເທດ ແລະພີ່ນ້ອງຮ່ວມຊາດເຮົາ ອາໄສຢູ່ຕ່າງປະເທດທຸກຖ້ວນໜ້າຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ມີຄວາມຈະເລີນກ້າວໜ້າທຸກປະການ. ຂ້າພະເຈົ້າ ກໍສົ່ງພອນໄຊອັນປະເສີດມາຍັງເພື່ອນມິດສາກົນ, ປະຊາຊົນບັນດາປະເທດໃນໂລກ ປີໃໝ່ຂໍໃຫ້ເປັນປີແຫ່ງສັນຕິພາບ, ມີຄວາມຜາສຸກ, ມິດຕະພາບ ແລະພັດທະນາ.
    |
 |
|
ທ່ານ ເລືອງເກື່ອງ ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ອວຍພອນບຸນປີໃໝ່ປະຈໍາຊາດ ປີມະເສັງ 2025. ພາບ: ຈຸງຮ໊ຽວ. |
ປີຜ່ານມາ, ພວກເຮົາ ໄດ້ຜ່ານຜ່າຄວາມຫຍຸ້ງຍາກ, ສິ່ງທ້າທາຍນາໆປະການ, ແຕ່ກໍແມ່ນປີທີ່ຍາດໄດ້ບັນດາຜົນງານທີ່ໜ້າເອກອ້າງທະນົງໃຈ. ໃນຄວາມຫຍຸ້້ງຍາກລໍາບາກ, ສິ່ງທ້າທາຍນາໆປະການນັ້ນ, ນໍ້າໃຈສາມັກຄີ, ຄວາມຮັກແພງມະນຸດດ້ວຍກັນ ແລະເຈດຈໍານົງບືນຕົວຂຶ້ນຂອງຊາດຫວຽດນາມ ຍິ່ງໄດ້ຮັບການຢັ້ງຢືນຢ່າງແຂງແຮງ. ທົ່ວພັກ, ທົ່ວປວງຊົນ, ທົ່ວກອງທັບເຮົາ ໄດ້ມານະພະຍາຍາມສູ້ຊົນບັນລຸ ແລະລື່ນກາຍ 15/15 ຕົວເລກຄາດໝາຍພັດທະນາເສດຖະກິດ-ສັງຄົມ, ລະດັບການເຕີບໂຕເສດຖະກິດແມ່ນຢູ່ໃນກຸ່ມປະເທດແຖວໜ້າໃນໂລກ; ຊີວິດການເປັນຢູ່ທາງດ້ານວັດຖຸ ແລະຈິດໃຈຂອງປະຊາຊົນ ໄດ້ຮັບການປັບປຸງ ແລະຍົກສູງຂຶ້ນຢ່າງບໍ່ຢຸດຢັ້ງ; ການເມືອງ - ສັງຄົມ ມີສະຖຽນລະພາບ, ການປ້ອງກັນຊາດ ແລະປ້ອງກັນຄວາມສະຫງົບ ໄດ້ຮັບການເພີ່ມທະວີ, ການພົວພັນຕ່າງປະເທດ ໄດ້ຮັບການເປີດກວ້າງ ແລະໄດ້ຮັບຄວາມເຄົາລົບນັບຖື ແລະຕີລາຄາສູງຈາກເພື່ອນມິດສາກົນ. ຊາວຫວຽດນາມ ແຕ່ລະຄົນ, ທັງຢູ່ພາຍໃນ ຫຼື ຢູ່ຕ່າງປະເທດ, ຈາກກໍາມະກອນ, ຊາວນາ, ນັກທຸລະກິດ, ປັນຍາຊົນ ຕະຫຼອດຮອດນັກຮົບຢູ່ເຂດຊາຍແດນ, ທະເລໝູ່ເກາະ ຢູ່ຫ່່າງໄກສອກຫຼີກ ລ້ວນແຕ່ມີຄວາມເອກອ້າງທະນົງໃຈຕໍ່ການປະກອບສ່ວນເຂົ້າໃນຜົນງານລວມຂອງປະເທດຊາດ.
|
|
 |
|
ທ່ານ ເລືອງເກື່ອງ ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ອວຍພອນບຸນປີໃໝ່ປະຈໍາຊາດ ປີມະເສັງ 2025. ພາບ: ຈຸງຮ໊ຽວ. |
ປີ 2025 ແມ່ນປີທີ່ເຕັມໄປດ້ວຍເຫດການສໍາຄັນຍິ່ງຂອງປະເທດ, ປີ “ເລັ່ງຄວາມໄວ, ບຸກທະລຸ”, ສ້າງພື້ນຖານນໍາປະເທດກ້າວເຂົ້າສູ່ສັງກາດໃໝ່ - ສັງກາດບືນຕົວຂຶ້ນພັດທະນາ ສ້າງຄວາມຮັ່ງມີເຂັ້ມແຂງ ແລະວັດທະນາຖາວອນ; ເຈດຈຳນົງຂອງພັກເຈືອຈານເຂົ້າກັບຈິດໃຈຂອງປະຊາຊົນ ກ່ຽວກັບເປົ້າໝາຍຈະເລີນຮຸ່ງເຮືອງຂອງຊາດ. ເຖິງວ່າຍັງປະສົບຄວາມຫຍຸ້ງຍາກ, ສິ່ງທ້າທາຍນາໆ ປະການ ກໍຕາມ ແຕ່ ຫວຽດນາມ ຍາມໃດກໍກ້າວຂຶ້ນສູ່ທາງໜ້າ, ບໍ່ມີສິ່ງໃດທີ່ສາມາດກີດກັ້ນຄວາມຄາດຫວັງບືນຕົວຂຶ້ນ ແລະອະນາຄົດອັນສົດໃສຂອງຊາດຫວຽດນາມ ໄດ້. ທົ່ວພັກ, ທົ່ວປວງຊົນ, ທົ່ວກອງທັບ ສືບຕໍ່ສາມັກຄີເປັນຈິດໜຶ່ງໃຈດຽວ, ຮ່ວມແຮງຮ່ວມໃຈ, ຍົກສູງນໍ້າໃຈເປັນເຈົ້າຕົນເອງ, ໝັ້ນໃຈຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ຄວາມເອກອ້າງທະນົງໃຈຂອງຊາດ, ຍາດແຍ່ງທຸກກາລະໂອກາດ, ຜ່ານຜ່າຄວາມຫຍຸ້ງຍາກລໍາບາກ, ສິ່ງທ້າທາຍນາໆປະການ ເພື່ອພັດທະນາກະໂດດຂັ້ນ, ສ້າງສາປະເທດຫວຽດນາມ ທີ່ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທໍາ, ສີວິໄລ; ປະຊາຊົນທຸກຄົນ ລ້ວນແຕ່ມີການດໍາລົງຊີວິດທີ່ອີ່ມໜໍາສໍາລານ, ເສລີພາບ, ມີຄວາມຜາສຸກ; ປະກອບສ່ວນນັບມື້ນັບຫຼາຍກວ່າໃຫ້ແກ່ສັນຕິພາບ, ສະຖຽນລະພາບ, ພັດທະນາຂອງພາກພື້ນ ແລະໃນໂລກ.
|
|
 |
|
ທ່ານ ເລືອງເກື່ອງ ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ອວຍພອນບຸນປີໃໝ່ປະຈໍາຊາດ ປີມະເສັງ 2025. ພາບ: ຈຸງຮ໊ຽວ. |
ໃນບັນຍາກາດອັນເບີກບານມ່ວນຊື່ນຕ້ອນຮັບປີໃໝ່, ອີກເທື່ອໜຶ່ງ ຂ້າພະເຈົ້າ ຂໍສົ່ງພອນໄຊອັນປະເສີດມາຍັງພີ່ນ້ອງຮ່ວມຊາດ, ສະຫາຍ, ນັກຮົບທົ່ວປະເທດ ແລະພີ່ນ້ອງຮ່ວມຊາດເຮົາ ອາໄສຢູ່ຕ່າງປະເທດທຸກຖ້ວນໜ້າ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ຢູ່ດີມີແຮງ, ວັດທະນາຖາວອນ. ປີໃໝ່ແນ່ນອນວ່າຈະຍາດໄດ້ຫຼາຍໄຊຊະນະໃໝ່.
ດ້ວຍຄວາມນັບຖື ແລະຮັກແພງຢ່າງສູງ!
ໂດຍ: ໄຊຊະນະ