ທ່ານນາຍົກລັດຖະມົນຕີ ຟ້າມມິງຈິ໊ງ ຖະຫວາຍທູບທຽນອາໄລຫາອະດີດເລຂາທິການໃຫຍ່ ຫງວຽນຟູຈ້ອງ

ທ່ານນາຍົກລັດຖະມົນຕີ ຟ້າມມິງຈິ໊ງ ຖະຫວາຍທູບທຽນອາໄລຫາອະດີດເລຂາທິການໃຫຍ່ ຫງວຽນຟູຈ້ອງ. ພາບ: chinhphu.vn

ດ້ວຍຄວາມສະເທືອນໃຈ, ທ່ານ ຟ້າມມິງຈິ໊ງ ໄດ້ສະແດງຄວາມເຄົາລົບນັບຖື, ຄວາມຮູ້ບຸນຄຸນຢ່າງເລິກເຊິ່ງຕໍ່ຄຸນງາມຄວາມດີ ແລະ ການປະກອບສ່ວນອັນໃຫຍ່ຫຼວງຂອງອະດີດເລຂາທິການໃຫຍ່ ຫງວຽນຟູຈ້ອງ - ການນຳທີ່ດີເດັ່ນ, ຜູ້ທີ່ເປັນແບບຢ່າງໃສແຈ້ງໃນການຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ແບບແຜນການດໍາລົງຊີວິດຂອງປະທານ ໂຮ່ຈີມິນ, ເຊິ່ງແມ່ນນັກກອມມູນິດທີ່ສັດຊື່, ມີຊື່ສຽງຂອງພັກ, ລັດ ແລະປະຊາຊົນ.

ພາຍຫຼັງເວລາເກືອບ 60 ປີແຫ່ງການເຄື່ອນໄຫວປະຕິວັດ, ສາດສະດາຈານ, ປະລິນຍາເອກ, ອະດີດເລຂາທິການໃຫຍ່ ຫງວຽນຟູຈ້ອງ ໄດ້ປະໄວ້ລະບົບອຸດົມການ ແລະທິດສະດີອັນລ້ຳຄ່າກ່ຽວກັບເສັ້ນທາງການປະຕິວັດຫວຽດນາມ ຍຸກໃໝ່ໃຫ້ທົ່ວພັກ, ທົ່ວປວງຊົນ, ທົ່ວກອງທັບ.

ທ່ານນາຍົກລັດຖະມົນຕີ ຟ້າມມິງຈິ໊ງ ຢ້ຽມຢາມຖາມຂ່າວສຸຂະພາບຂອງທ່ານນາງ ໂງທິເໝິ້ນ, ພັນລະຍາຂອງອະດີດເລຂາທິການໃຫຍ່ ຫງວຽນຟູຈ້ອງ, ອວຍພອນໃຫ້ພັນລະຍາ ພ້ອມດ້ວຍຄອບຄົວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນປີໃໝ່. ພາບ: chinhphu.vn

ຕໍ່ໜ້າດວງວິນຍານຂອງອະດີດເລຂາທິການໃຫຍ່ ຫງວຽນຟູຈ້ອງ, ທ່ານ ຟ້າມມິງຈິ໊ງ ໝັ້ນໝາຍສືບຕໍ່ສູ້ຊົນພ້ອມກັບທົ່ວພັກ, ທ່ົວປວງຊົນ, ເສີມຂະຫຍາຍກໍາລັງແຮງມະຫາສາມັກຄີທົ່ວປວງຊົນທັງຊາດ, ພ້ອມກັບປະເທດຊາດກ້າວເຂົ້າສູ່ສັງກາດໃໝ່-ສັງກາດພັດທະນາຮັ່ງມີເຂັ້ມແຂງ, ສີສິໄລ, ຈະເລີນຮຸ່ງເຮືອງ, ປະຊາຊົນນັບມື້ນັບອີ່ມໜໍາສໍາລານ, ຜາສຸກ.

ເນື່ອງໃນໂອກາດບຸນປີໃໝ່ປະຈໍາຊາດ, ທ່ານນາຍົກລັດຖະມົນຕີ ຟ້າມມິງຈິ໊ງ ຢ້ຽມຢາມຖາມຂ່າວສຸຂະພາບຂອງທ່ານນາງ ໂງທິເໝິ້ນ, ພັນລະຍາຂອງອະດີດເລຂາທິການໃຫຍ່ ຫງວຽນຟູຈ້ອງ; ອວຍພອນໃຫ້ພັນລະຍາ ພ້ອມດ້ວຍຄອບຄົວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນປີໃໝ່.

ໂດຍ: ກວຽດເຕິມ