ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ການ​ຕ່າງ​ປະ​ເທດ ບຸຍ​ແທັງ​ເຊີນ ໃຫ້​ການ​ຕ້ອນ​ຮັບ​​ເອກ​ອັກ​ຄະ​ລັດ​ຖະ​ທູດ ອາ​​ແຊັກ​ໄບ​ຊານ

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸຍແທັງເຊີນ ຕ້ອນຮັບທ່ານເອກອັກຄະລັດຖະທູດ ສ.ອາແຊັກໄບຊານ Shovgi Kamal Oglu Mehdizade. ພາບ: VGP

ຕອນບ່າຍວັນທີ 6 ທັນວາ, ຢູ່ຮ່າໂນ້ຍ, ໂດຍໃຫ້ການຕ້ອນຮັບທ່ານ Shovgi Kamal Oglu Mehdizade ເອກອັກຄະລັດຖະທູດ ສ.ອາແຊັກໄບຊານ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸຍແທັງເຊີນ ໄດ້ສະເໜີສອງຝ່າຍຈັດຕັ້ງກອງປະຊຸມຂອງຄະນະກຳມະການລະຫວ່າງລັດຖະບານ, ໃຫ້ຄຳປຶກສາດ້ານການເມືອງໂດຍໄວ, ສະເໜີ ແລະຜັນຂະຫຍາຍຂໍ້ລິເລີ່ມເຊື່ອມຕໍ່ບັນດາອົງການຈັດຕັ້ງ, ວິສາຫະກິດ ແລະທ້ອງຖິ່ນສອງປະເທດ. ທ່ານຮອງນາຍົກລັດຖະມົນຕີ ກໍ່ສະເໜີສອງຝ່າຍຄົ້ນຄວ້າຊຸກຍູ້ການຮ່ວມມືຄົມມະນາຄົມຂົນສົ່ງທາງການອາກາດ ແລະທາງລົດໄຟລະຫວ່າງຊາດເພື່ອສ້າງຊ່ອງທາງຂົນສົ່ງສິນຄ້າຢ່າງສະດວກ, ພິເສດແມ່ນຜະລິດຕະພັນກະເສດ ແລະການບໍລິການລະຫວ່າງສອງປະເທດ.

ສ່ວນທ່ານເອກອັກຄະລັດຖະທູດ Shovgi Kamal Oglu Mehdizade ປາດຖະໜາວ່າ ໃນອາຍຸການປະຕິບັດງານຢູ່ ຫວຽດນາມ ຈະສືບຕໍ່ໄດ້ຮັບການໜູນຊ່ວຍ ແລະສົມທົບກັນຢ່າງແໜ້ນແຟ້ນຈາກກະຊວງການຕ່າງປະເທດ ແລະບັນດາກະຊວງ, ຂະແໜງການທີ່ກ່ຽວຂ້ອງຂອງຫວຽດນາມ ເພື່ອແນໃສ່ເພີ່ມທະວີການພົວພັນສອງຝ່າຍເປັນຕົ້ນແມ່ນໃນບັນດາຂົງເຂດເຊິ່ງທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸຍແທັງເຊີນ ກຳນົດທິດ.

ໂດຍ: ວິທະຍຸກະຈາຍສຽງຫວຽດນາມ