ພິທີປະດັບຫຼຽນໄຊດາວຄຳໃຫ້ທ່ານເລຂາທິການໃຫຍ່ ຫງວຽນຝູຈ້ອງ
ກປ.ອອນໄລ - ຕອນບ່າຍວັນທີ 18 ກໍລະກົດ, ຢູ່ຮ່າໂນ້ຍ, ພັກ ແລະລັດໄດ້ຈັດຕັ້ງພິທີປະດັບຫຼຽນໄຊດາວຄຳໃຫ້ທ່ານເລຂາທິການໃຫຍ່ ຫງວຽນຝູຈ້ອງ.
ຕາງໜ້າການນຳພັກ, ລັດ, ທ່ານ ໂຕເລິມ, ກຳມະການກົມການເມືອງ, ປະທານປະເທດຫວຽດນາມ ໄດ້ປະກາດຂໍ້ຕົກລົງ ແລະປະດັບຫຼຽນໄຊດາວຄຳໃຫ້ທ່ານເລຂາທິການໃຫຍ່ ຫງວຽນຝູຈ້ອງ.
ເຂົ້າຮ່ວມພິທີປະດັບຫຼຽນໄຊດາວຄໍາມີບັນດາກຳມະການກົມການເມືອງ, ກໍາມະການຄະນະເລຂາທິການ, ພະນັກງານທີ່ຊ່ວຍວຽກໃຫ້ທ່ານເລຂາທິການໃຫຍ່ ຈໍານວນໜຶ່ງ ແລະຜູ້ຕາງໜ້າຄອບຄົວຂອງທ່ານ ຫງວຽນຝູຈ້ອງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/18/upload_2124/qtrang18072024_04.jpg?dpi=150&quality=100&w=500) |
ທ່ານເລຂາທິການໃຫຍ່ ຫງວຽນຝູຈ້ອງ. ພາບ: baochinhphu.vn |
ຂໍ້ຕົກລົງປະດັບຫຼຽນໄຊດາວຄຳ, ເປັນລາງວັນອັນສູງສົ່ງຂອງພັກ ແລະລັດ, ໃຫ້ທ່ານເລຂາທິການໃຫຍ່ ຫງວຽນຝູຈ້ອງ ແມ່ນການຮັບຮູ້ຂອງພັກ, ລັດ ແລະປະຊາຊົນສໍາລັບຄຸນງາມຄວາມດີ, ການປະກອບສ່ວນອັນໃຫຍ່ຫຼວງຂອງທ່ານເລຂາທິການໃຫຍ່ ຫງວຽນຝູຈ້ອງ ໃນພາລະກິດປະຕິວັດຂອງພັກ, ຂອງປະເທດຊາດ.
ໂດຍ: ຈາງຫງວຽນ