ນາຍົກລັດຖະມົນຕີຫວຽດນາມ ພົບປະກັບຜູ້ມີສິດເລືອກຕັ້ງ ນະຄອນເກິ່ນເທີ
ກປ.ອອນໄລ - ວັນທີ 14 ກໍລະກົດ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພ້ອມກັບຄະນະຜູ້ແທນສະພາແຫ່ງຊາດ ນະຄອນເກິ່ນເທີ ໄດ້ພົບປະກັບຜູ້ມີສິດເລືອກຕັ້ງເມືອງທົດນົດ, ນະຄອນເກິ່ນເທີ ເພື່ອແຈ້ງໃຫ້ຊາບໝາກຜົນຂອງກອງປະຊຸມສະໄໝສາມັນເທື່ອທີ 7, ສະພາແຫ່ງຊາດ ຊຸດທີ XV ບັນດາການເຄື່ອນໄຫວຂອງຄະນະຜູ້ແທນສະພາ ແຫ່ງຊາດ ນະຄອນເກິ່ນເທີ ຢູ່ກອງປະຊຸມ; ຮັບຟັງ, ຮັບເອົາຄໍາເຫັນ, ອະທິບາຍຄໍາເຫັນ, ຂໍ້ສະເໜີຂອງຜູ້ມີສິດເລືອກຕັ້ງ ສົ່ງໄປຍັງສະພາແຫ່ງຊາດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/15/upload_2122/15072024_th_02.jpg?dpi=150&quality=100&w=500) |
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກ່າວຄໍາເຫັນທີ່ການພົບປະກັບຜູ້ມີສິດເລືອກຕັ້ງເມືອງທົດນົດ, ນະຄອນເກິ່ນເທີ. ພາບ: ສໍານັກຂ່າວສານຫວຽດນາມ |
ໂດຍຮັບຮູ້, ຕີລາຄາສູງ 6 ເດືອນຕົ້ນປີ 2024, ນະຄອນເກິ່ນເທີ ບັນລຸໄດ້ໝາກຜົນສຳຄັນໃນການພັດທະນາເສດຖະກິດ-ສັງຄົມ, ທ່ານນາຍົກລັດຖະມົນຕີ ເນັ້ນໜັກວ່າ ນະຄອນເກິ່ນເທີ ແມ່ນຕົວເມືອງໃຈກາງ, ແມ່ນແກ່ນສານຂອງເຂດທົ່ງພຽງແມ່ນໍ້າຂອງ; ພວມໄດ້ສຸມໃສ່ລົງທຶນພັດທະນາລະບົບພື້ນຖານໂຄງລ່າງເສດຖະກິດ-ສັງຄົມ ແລະບັນດາເງື່ອນໄຂທີ່ຈຳເປັນເພື່ອກາຍເປັນເຂດກຳລັງໜູນເຕີບໂຕໃໝ່ຂອງທົ່ວປະເທດໂດຍໄວ.
ໃນໄລຍະຈະມາເຖິງ, ທ່ານນາຍົກລັດຖະມົນຕີ ຟ້າມມິງຈິ໊ງ ສະເໜີໃຫ້ການນຳນະຄອນເກິ່ນເທີ ສຸມໃສ່ຊີ້ນຳບັນດາພະແນກ, ຄະນະ, ຂະແໜງການ, ອຳນາດການປົກຄອງທຸກຂັ້ນຢ່າງເດັດຂາດໃນການປະຕິບັດໜ້າທີ່, ມາດຕະການໃນຂົງເຂດຕ່າງໆຕາມມະຕິຂອງພັກ, ສະພາແຫ່ງຊາດ, ລັດຖະບານ, ການຊີ້ນໍາຂອງນາຍົກລັດຖະມົນຕີ ແລະມະຕິຂອງອົງຄະນະພັກນະຄອນເກິ່ນເທີ ໃນແຕ່ລະປີ ແລະທັງອາຍຸການ, ມານະພະຍາຍາມສູງທີ່ສຸດ ເພື່ອສູ້ຊົນປະຕິບັດສຳເລັດເປົ້າໝາຍທີ່ໄດ້ວາງອອກ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/15/upload_2122/15072024_th_01.jpg?dpi=150&quality=100&w=500) |
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພ້ອມກັບຜູ້ມີສິດເລືອກຕັ້ງເມືອງທົດນົດ, ນະຄອນເກິ່ນເທີ. ພາບ: ສໍານັກຂ່າວສານຫວຽດນາມ |
ໃນລາຍການປະຕິບັດງານຢູ່ເຂດທົ່ງພຽງແມ່ນໍ້າຂອງ, ເນື່ອງໃນໂອກາດສະເຫຼີມສະຫຼອງ 77 ປີແຫ່ງວັນທະຫານເສຍອົງຄະ ແລະນັກຮົບເສຍສະຫຼະຊີວິດເພື່ອຊາດ (27-7-1947 / 27-7-2024), ທ່ານນາຍົກລັດຖະມົນຕີຫວຽດນາມ ໄດ້ໄປຢ້ຽມຢາມຄອບຄົວນັກຮົບເສຍສະຫຼະຊີວິດເພື່ອຊາດ ຫງວຽນດີ່ງຮວ່າ ແລະຄອບຄົວທະຫານເສຍອົງຄະ ເລມີງຊາງ ຢູ່ຕາແສງທົດນົດ, ເມືອງທົດນົດ, ນະຄອນເກິ່ນເທີ. ທີ່ການຢ້ຽມຢາມແຕ່ລະບ່ອນ, ທ່ານນາຍົກລັດຖະມົນຕີ ຢືນຢັນວ່າ ພັກ, ລັດ ແລະປະຊາຊົນຈະຈົດຈຳ, ຮູ້ບຸນຄຸນຕໍ່ຜູ້ທີ່ມີຄຸນງາມຄວາມດີຕໍ່ການປະຕິວັດ, ປະຕິບັດວຽກງານຕອບບຸນແທນຄຸນເປັນຢ່າງດີ; ຮຽກຮ້ອງຄະນະພັກ, ອຳນາດການປົກຄອງທ້ອງຖິ່ນຂົນຂວາຍປະຊາຊົນສືບຕໍ່ເອົາໃຈໃສ່, ເບິ່ງແຍງຄອບຄົວເປົ້າໝາຍນະໂຍບາຍໃຫ້ມີຊີວິດການເປັນຢູ່ທີ່ດີຂຶ້ນທັງດ້ານວັດຖຸ ແລະຈິດໃຈ.
ໂດຍ: ເຈິ່ນຮວ່ຽນ