ຫວຽດນາມ-ໄທ ຊຸກຍູ້ການຮ່ວມມືໃນບັນດາຂົງເຂດເສົາຄ້ຳ
ກປ.ອອນໄລ - ຕອນເຊົ້າວັນທີ 7 ມິຖຸນາ, ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດຫວຽດນາມ ໄດ້ມີການສົນທະນາທາງໂທລະສັບກັບທ່ານ Maris Sangiampongsa ລັດຖະມົນຕີກະຊວງການຕ່າງປະເທດໄທ.
ທີ່ການສົນທະນາທາງໂທລະສັບ, ທ່ານ ບຸ່ຍແທັງເຊີນ ໄດ້ສະເໜີໃຫ້ສອງຝ່າຍສືບຕໍ່ສົມທົບກັນຜັນຂະຫຍາຍໝາກຜົນລະອຽດ ຂອງກອງປະຊຸມ ຄັ້ງທີ 5 ຄະນະກຳມະການປະສົມກ່ຽວກັບການຮ່ວມມືສອງຝ່າຍ ຫວຽດນາມ - ໄທ ຢູ່ ບາງກອກ ໃນເດືອນເມສາ ປີ 2024, ໃນນັ້ນມີການເພີ່ມທະວີຄວາມໄວ້ເນື້ອເຊື່ອໃຈ ແລະຄວາມສະໜິດຕິດພັນຜ່ານການຊຸກຍູ້ການແລກປ່ຽນຄະນະຜູ້ແທນຂັ້ນສູງ ແລະທຸກຂັ້ນ; ຍູ້ແຮງການຮ່ວມມືໃນບັນດາຂົງເຂດເສົາຄໍ້າ, ຄື: ການປ້ອງກັນຊາດ, ປ້ອງກັນຄວາມສະຫງົບ, ການຄ້າ, ການລົງທຶນ, ວັດທະນະທຳ, ການສຶກສາ, ການທ່ອງທ່ຽວ, ຄົມມະນາຄົມຂົນສົ່ງ ແລະການພົບປະແລກປ່ຽນປະຊາຊົນ; ເອົາໃຈໃສ່ເຖິງການສ້າງຕັ້ງຄະນະປະຕິບັດງານ ເພື່ອແນໃສ່ຜັນຂະຫຍາຍຍຸດທະສາດ “ສາມເຊື່ອມຕໍ່”.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/08/upload_2121/08062024-tt06-01.jpg?dpi=150&quality=100&w=500) |
ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດຫວຽດນາມ ສົນທະນາທາງໂທລະສັບກັບທ່ານ Maris Sangiampongsa ລັດຖະມົນຕີກະຊວງການຕ່າງປະເທດໄທ. ພາບ: mofa.gov.vn |
ສ່ວນທ່ານລັດຖະມົນຕີ Maris Sangiampongsa ຢືນຢັນວ່າ ຫວຽດນາມ ເປັນຄູ່ຮ່ວມມືສຳຄັນທີ່ສຸດຂອງໄທ ໃນພາກພື້ນ; ເຫັນດີຈະສືບຕໍ່ເພີ່ມທະວີການຮ່ວມມືຢ່າງແໜ້ນແຟ້ນລະຫວ່າງກະຊວງການຕ່າງປະເທດຂອງສອງປະເທດ, ປະກອບສ່ວນຊຸກຍູ້ການພົວພັນຮ່ວມມື ແລະຄູ່ຮ່ວມມືຍຸດທະສາດລະຫວ່າງຫວຽດນາມ ແລະໄທ ໃຫ້ຫຼາຍກວ່າອີກ.
ສອງຝ່າຍໄດ້ເຫັນດີຈະສົມທົບກັນຈັດແຈງຢ່າງແໜ້ນແຟ້ນ ແລະກະກຽມໃຫ້ການຢ້ຽມຢາມຂັ້ນສູງ ແລະທຸກຂັ້ນໃນໄລຍະຈະມາເຖິງ, ກໍຄືກົນໄກການຮ່ວມມືສອງຝ່າຍລະຫວ່າງສອງປະເທດ, ໂດຍສະເພາະແມ່ນກອງປະຊຸມຄະນະລັດຖະບານຮ່ວມ ຄັ້ງທີ 4 ໂດຍນາຍົກລັດຖະມົນຕີສອງທ່ານ ເປັນປະທານຮ່ວມ. ສອງຝ່າຍກໍ່ເນັ້ນໜັກເຖິງຄວາມສຳຄັນຂອງການຮ່ວມມືດ້ານເສດຖະກິດ, ການຄ້າລະຫວ່າງ ຫວຽດນາມ - ໄທ, ຢັ້ງຢືນຈະສົມທົບກັນຢ່າງຕັ້ງໜ້າ ເພື່ອຊຸກຍູ້ການເຊື່ອມຕໍ່ລະຫວ່າງບັນດາທ້ອງຖິ່ນ ແລະວິສາຫະກິດຂອງສອງປະເທດ.
ໂດຍ: ທູຈາງ