WHO ໜູນຊ່ວຍຫວຽດນາມ ເພີ່ມທະວີກໍາລັງຄວາມສາມາດຂອງຂະແໜງສາທາລະນະສຸກ
ກປ.ອອນໄລ - ຕອນເຊົ້າວັນທີ 13 ພຶດສະພາ, ຢູ່ສຳນັກງານນາຍົກລັດຖະມົນຕີ, ທ່ານ ເຈິ່ນຮົ່ງຮ່າ ຮອງນາຍົກລັດຖະມົນຕີຫວຽດນາມ ໄດ້ໃຫ້ການຕ້ອນຮັບທ່ານ ປອ Saia Ma’u Piukala, ຜູ້ອຳນວຍການອົງການອະນາໄມໂລກ (WHO) ພາກພື້ນປາຊີຟິກຕາເວັນຕົກ.
ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ຊີ້ແຈ້ງວ່າ ລັດຖະບານ ແລະປະຊາຊົນຫວຽດນາມ ຕີລາຄາສູງບົດບາດຂອງ WHO ໃນການເຄື່ອນໄຫວປະສານງານ, ການເຊື່ອມຕໍ່ທົ່ວໂລກໃນຂົງເຂດສາທາລະນະສຸກ, ສົ່ງເສີມສຸຂະພາບຂອງປະຊາຊົນ. ໃນນະໂຍບາຍກ່ຽວກັບດ້ານສາທາລະນະສຸກ, ການສົ່ງເສີມສຸຂະພາບຢູ່ຫວຽດນາມ ລ້ວນແຕ່ມີການຮ່ວມເດີນທາງ, ເຂົ້າຮ່ວມ, ໃຫ້ຄໍາປຶກສາ, ໜູນຊ່ວຍຂອງພະນັກງານ, ນັກຊ່ຽວຊານຂອງ WHO. ໂດຍແມ່ນໜຶ່ງໃນຈໍານວນ 15 ປະເທດທີ່ WHO ຄັດເລືອກເພື່ອຖ່າຍທອດເຕັກໂນໂລຢີຜະລິດວັກຊິນ mNRA, ຫວຽດນາມ ຫວັງວ່າຈະໄດ້ຮັບການໜູນຊ່ວຍທີ່ແທດຈິງເພື່ອຍົກສູງກໍາລັງຄວາມສາມາດໃນການຄົ້ນຄວ້າ, ຜະລິດວັກຊິນ, ພ້ອມທັງພັດທະນາຜະລິດຕະພັນອື່ນໆເພື່ອຮັບໃຊ້ຄວາມຕ້ອງການກັນພະຍາດ ແລະປິ່ນປົວພະຍາດຂອງປະຊາຊົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/14/upload_2122/14052024_th_01.jpg?dpi=150&quality=100&w=500) |
ທ່ານ ເຈິ່ນຮົ່ງຮ່າ ຮອງນາຍົກລັດຖະມົນຕີຫວຽດນາມ ຕ້ອນຮັບທ່ານ ປອ Saia Ma’u Piukala ຜູ້ອຳນວຍການອົງການອະນາໄມໂລກ (WHO) ພາກພື້ນປາຊີຟິກຕາເວັນຕົກ. ພາບ: ສໍານັກຂ່າວສານຫວຽດນາມ |
ໂດຍເນັ້ນໜັກເຖິງຄວາມສຳຄັນຂອງລະບົບສາທາລະນະສຸກປ້ອງກັນ, ຮາກຖານສາທາລະນະສຸກໃນການສົ່ງເສີມສຸຂະພາບຂັ້ນຕົ້ນ, ປ້ອງກັນ, ຕ້ານພະຍາດແຕ່ຫົວທີ, ແຕ່ໄກ, ທ່ານຮອງນາຍົກລັດຖະມົນຕີ ເຈິ່ນລຶວກວາງ ຊີ້ແຈ້ງວ່າ, ຫວຽດນາມ ຫວັງວ່າ WHO ຈະໜູນຊ່ວຍການສ້າງໂຄງປະກອບ ແລະປັບປຸງລະບົບນີ້ຄືນໃໝ່. ທ່ານຮອງນາຍົກລັດຖະມົນຕີ ສະເໜີໃຫ້ WHO ຈັດສົ່ງພະນັກງານ, ນັກຊ່ຽວຊານມາໜູນຊ່ວຍຫວຽດນາມ ໃນການສືບຕໍ່ປະຕິຮູບ, ປັບປຸງກົນໄກ, ຂໍ້ກຳນົດ, ລະບຽບການກ່ຽວກັບການຈັດຊື້, ປະມູນ, ຄັດເລືອກວິສາຫະກິດ, ຮັບປະກັນການສະໜອງກ່ຽວກັບການຢາຢ່າງຄົບຖ້ວນ ແລະມີສະຖຽນລະພາບໃນໄລຍະຍາວ.
ສ່ວນທ່ານ Saia Ma’u Piukala ໄດ້ແບ່ງປັນບາງເປົ້າໝາຍບຸລິມະສິດໃນການໜູນຊ່ວຍ, ເພີ່ມທະວີກໍາລັງຄວາມສາມາດຂອງຂະແໜງສາທາລະນະສຸກຫວຽດນາມ, ເປັນຕົ້ນແມ່ນກໍາລັງຄວາມສາມາດຂອງລະບົບສາທາລະນະສຸກປ້ອງກັນເພື່ອຮັບມືກັບໂລກລະບາດໃນອະນາຄົດ, ປັບປຸງສະພາບແວດລ້ອມ ແລະຊຸກຍູ້ແບບແຜນດຳເນີນຊີວິດທີ່ປອດໃສ. ຮັບປະກັນຄວາມໝັ້ນຄົງດ້ານສາທາລະນະສຸກ; ໃຫ້ຄຳໝັ້ນສັນຍາຮ່ວມແຮງຮ່ວມໃຈກັບຫວຽດນາມ ໃນວຽກງານສົ່ງເສີມສຸຂະພາບຂອງປະຊາຊົນ, ປະກອບສ່ວນເຂົ້າໃນຂະບວນການພັດທະນາແບບຍືນຍົງຂອງພາກພື້ນ ແລະໃນໂລກ.
ໂດຍ: ເຈິ່ນຮວ່ຽນ