ເສີມຂະຫຍາຍບົດບາດຂອງສອງພັກກຳອຳນາດໃນການຊຸກຍູ້ການພົວພັນສອງຝ່າຍຫວຽດນາມ - ຍີ່ປຸ່ນ
ກປ.ອອນໄລ - ໂດຍໄດ້ຮັບຄຳເຊີນຈາກລັດຍີ່ປຸ່ນ, ສະຫາຍນາງ ເຈືອງທິມາຍ, ກຳມະການກົມການເມືອງ, ຜູ້ປະຈຳການຄະນະເລຂາທິການ, ຫົວໜ້າຄະນະຈັດຕັ້ງສູນກາງພັກ, ປະທານກຸ່ມລັດຖະສະພາມິດຕະພາບ ຫວຽດນາມ - ຍີ່ປຸ່ນ ໄດ້ນໍາໜ້າຄະນະຜູ້ແທນພັກກອມມູນິດຫວຽດນາມ ໄປຢ້ຽມຢາມ ແລະເຮັດວຽກຢູ່ ຍີ່ປຸ່ນ ແຕ່ວັນທີ 31 ມີນາ – ວັນທີ 3 ເມສາ.
ໃນການເຄື່ອນໄຫວທຳອິດຂອງການຢ້ຽມຢາມ, ຄະນະຜູ້ແທນໄດ້ມີການພົບປະກັບທ່ານ Aso Taro ຮອງປະທານພັກປະຊາທິປະໄຕເສລີ (LDP) ກຳອຳນາດ, ທ່ານ Motegi Toshimitsu ເລຂາທິການພັກປະຊາທິປະໄຕເສລີ; ໄດ້ຕ້ອນຮັບທ່ານ Shuhei Kishimoto ຜູ້ວ່າການແຂວງ Wakayama; ໄດ້ພົບປະກັບບັນດາພະນັກງານ, ສະມາຊິກພັກທີ່ດີເດັ່ນຂອງອົງຄະນະພັກ ແລະສະຖານທູດຫວຽດນາມ ປະຈຳ ຍີ່ປຸ່ນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/02/upload_2126/truong thi mai 2.jpg?dpi=150&quality=100&w=500) |
ສະຫາຍນາງ ເຈືອງທິມາຍ ພົບປະກັບທ່ານ Aso Taro ຮອງປະທານພັກປະຊາທິປະໄຕເສລີ (LDP) ກຳອຳນາດ. ພາບ: ສໍານັກຂ່າວສານຫວຽດນາມ |
ທີ່ການພົບປະ, ສະຫາຍນາງ ເຈືອງທິມາຍ ຢືນຢັນວ່າ ຫວຽດນາມ ຍາມໃດກໍ່ມີຄວາມສະເໝີຕົ້ນສະເໝີປາຍຕໍ່ການຖືການພົວພັນຄູ່ຮ່ວມມືຍຸດທະສາດຮອບດ້ານກັບຍີ່ປຸ່ນ ເປັນສໍາຄັນ. ສະຫາຍນາງ ເຈືອງທິມາຍ ຮຽກຮ້ອງໃຫ້ 2 ຝ່າຍ, ພິເສດແມ່ນ ພັກກອມມູນິດ ຫວຽດນາມ ແລະພັກປະຊາທິປະໄຕເສລີ ຍີ່ປຸ່ນ ເສີມຂະຫຍາຍບົດບາດຂອງ 2 ພັກກຳອຳນາດໃນການຊຸກຍູ້ການຫັນຄວາມຮັບຮູ້ລວມລະດັບສູງເປັນລະອຽດ ແລະບັນດາເນື້ອໃນສຳຄັນຢູ່ “ຖະແຫຼງການຮ່ວມກ່ຽວກັບການຍົກລະດັບການພົວພັນ 2 ຝ່າຍຫວຽດນາມ ແລະຍີ່ປຸ່ນ ຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະວັັດທະນາຖາວອນຢູ່ ອາຊີ ແລະໂລກ”; ເພີ່ມທະວີການພົວພັນດ້ານການເມືອງຜ່ານການຢ້ຽມຢາມ ແລະພົບປະຂອງການນຳຂັ້ນສູງຂອງສອງຝ່າຍຕາມຊ່ອງທາງຂອງພັກ, ລັດ, ລັດຖະບານ, ສະພາແຫ່ງຊາດ ແລະການທູດປະຊາຊົນ; ຊຸກຍູ້ການຮ່ວມມືດ້ານເສດຖະກິດ ແລະໃນຂົງເຂດທີ່ສອດຄ່ອງກັບການກໍານົດທິດພັດທະນາແບບຍືນຍົງຂອງສອງປະເທດ.
ການນຳພັກປະຊາທິປະໄຕເສລີ ແລະບັນດາທ້ອງຖິ່ນ ຍີ່ປຸ່ນ ໄດ້ຕີລາຄາສູງຕໍ່ການຢ້ຽມຢາມຂອງສະຫາຍນາງ ເຈືອງທິມາຍ ແລະຄະນະຜູ້ແທນຂັ້ນສູງພັກກອມມູນິດຫວຽດນາມ ແລະໄດ້ເຫັນດີເປັນເອກະພາບສູງຕໍ່ກັບຂໍ້ສະເໜີຂອງສະຫາຍນາງ ເຈືອງທິມາຍ ເພື່ອນຳການພົວພັນຮ່ວມມື ຫວຽດນາມ - ຍີ່ປຸ່ນ ໃຫ້ເຂົ້າສູ່ລວງເລິກແທດຈິງ, ມີປະສິດທິຜົນກວ່າອີກ.
ໂດຍ: ທະນາພອນ