ປະທານສະພາແຫ່ງຊາດ ເວືອງດິ່ງເຫວະ ພົບປະກັບສະມາຊິກສະພາແຫ່ງຊາດຍິງຂັ້ນສູນກາງ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 114 ປີແຫ່ງວັນແມ່ຍິງສາກົນ (8/3/1910 - 8/3/2024), ຕອນບ່າຍວັນທີ 7 ມີນາ, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດ
ເວືອງດິ່ງເຫວະ ໄດ້ພົບປະກັບສະມາຊິກສະພາແຫ່ງຊາດຍິງທີ່ເຄື່ອນໄຫວສະເພາະກິດຢູ່ຂັ້ນສູນກາງ ແລະການນໍາຍິງ, ຜູ້ຄຸ້ມຄອງຂັ້ນກົມ ຂອງຫ້ອງວ່າການສະພາແຫ່ງຊາດ, ສະຖາບັນຄົ້ນຄວ້ານິຕິບັນຍັດ.
ກ່າວຄຳເຫັນທີ່ການພົບປະ, ທ່ານປະທານສະພາແຫ່ງຊາດ ຕີລາຄາຄວາມມານະພະຍາຍາມ, ຜົນງານດີເດັ່ນຂອງບັນດາສະມາຊິກສະພາແຫ່ງຊາດຍິງທີ່ເຄື່ອນໄຫວສະເພາະກິດ ຢູ່ຂັ້ນສູນກາງ ແລະບັນດາການນຳຍິງ, ຜູ້ຄຸ້ມຄອງຂັ້ນກົມຂອງຫ້ອງວ່າການສະພາແຫ່ງຊາດ, ສະຖາບັນຄົ້ນຄ້ວານິຕິບັນຍັດ; ຢືນຢັນວ່າ ສະພາແຫ່ງຊາດຍາມໃດກໍ່ເຊື່ອມຊືມແຜນນະໂຍບາຍຂອງພັກກ່ຽວກັບວຽກງານແມ່ຍິງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/08/upload_2124/qtrang08032024_01.jpeg?dpi=150&quality=100&w=500) |
ທ່ານປະທານສະພາແຫ່ງຊາດ ເວືອງດິ່ງເຫວະ ແລະບັນດາຮອງປະທານສະພາແຫ່ງຊາດ ພ້ອມດ້ວຍບັນດາສະມາຊິກສະພາແຫ່ງຊາດຍິງ. ພາບ: ສໍານັກຂ່າວສານຫວຽດນາມ. |
ເນັ້ນໜັກວ່າຕ້ອງສືບຕໍ່ວຽກງານຮັບປະກັນຄວາມສະເໝີພາບລະຫວ່າງຍິງຊາຍ, ທ່ານປະທານສະພາແຫ່ງຊາດ ຮຽກຮ້ອງໃຫ້ທຸກຂັ້ນ, ທຸກອົງການຍາມໃດກໍ່ຕ້ອງເຊື່ອມຊືມໃນຄວາມຮັບຮູ້, ຈີນຕະນາການເຖິງການກະທຳໃນການປະພຶດ ກໍ່ຄືໃນການມອບໝາຍໜ້າທີ່.
ທ່ານປະທານສະພາແຫ່ງຊາດ ກໍ່ຮຽກຮ້ອງຕ້ອງສືບຕໍ່ສົມທົບກັບບັນດາອົງການຈັດຕັ້ງກຳມະບານ ເພື່ອເພີ່ມທະວີການຈັດຕັ້ງບັນດາການເຄື່ອນໄຫວທ່ອງທ່ຽວ, ຄົ້ນຄ້ວາ, ສຳຫຼວດຕື່ມອີກ... ຄະນະພັກຂອງສະພາແຫ່ງຊາດກໍ່ຕ້ອງເອົາໃຈໃສ່ເຖິງວຽກງານພະນັກງານຍິງ, ເບິ່ງແຍງດູແລຊີວິດທາງດ້ານວັດຖຸ ແລະຈິດໃຈຂອງແມ່ຍິງ, ໃນນັ້ນມີນະໂຍບາຍເງິນເດືອນ; ມີແຜນການຍົກສູງຄຸນນະພາບ, ມີປະສິດທິຜົນຂອງກຸ່ມສະມາຊິກສະພາແຫ່ງຊາດຍິງ.
ທ່ານປະທານສະພາແຫ່ງຊາດ ເຊື່ອໝັ້ນວ່າ ບັນດາສະມາຊິກສະພາແຫ່ງຊາດຍິງຈະສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້, ມີການປະກອບສ່ວນຫຼາຍຢ່າງເຂົ້າໃນການເຄື່ອນໄຫວຂອງສະພາແຫ່ງຊາດ, ພ້ອມກັນສ້າງຜົນງານອັນໃຫຍ່ຫຼວງເພື່ອສືບຕໍ່ເສີມຂະຫຍາຍມູນເຊື້ອອັນສະຫງ່າງາມ ແລະມຸ່ງໄປເຖິງການສະເຫຼີມສະຫຼອງ 80 ປີແຫ່ງວັນສ້າງຕັ້ງສະພາແຫ່ງຊາດຫວຽດນາມ.
ໂດຍ: ຈາງຫງວຽນ