ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ພົບປະກັບປະທານາທິບໍດີ ໄອແລນ
ກປ.ອອນໄລ - ໂດຍໄດ້ຮັບຄຳເຊີນຂອງທ່ານ Micheal Martin ຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ ແລະປ້ອງກັນປະເທດ ໄອແລນ, ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ພວມມີການຢ້ຽມຢາມ ໄອແລນ ຢ່າງເປັນທາງການ. ວັນທີ 28 ກຸມພາ, ໃນຂອບເຂດການຢ້ຽມຢາມ, ທ່ານລັດຖະມົນຕີ ບຸ່ຍແທັງເຊີນ ໄດ້ມີການພົບປະກັບທ່ານ Michael D. Higgins ປະທານາທິບໍດີ ໄອແລນ.
ທີ່ການພົບປະ, ທ່ານ ບຸ່ຍແທັງເຊີນ ຢືນຢັນວ່າ ຫວຽດນາມ ຍາມໃດກໍ່ປາດຖະໜາຢາກ ເພີ່ມທະວີການພົວພັນມິດຕະພາບ ແລະການຮ່ວມມືຫຼາຍດ້ານກັບໄອແລນ ແລະເຊື່ອໝັ້ນວ່າ ຜ່ານການຢ້ຽມຢາມຈະພ້ອມກັບຝ່າຍ ໄອແລນ ທົບທວນ, ເຫັນດີເປັນເອກະພາບຕໍ່ທິດທາງ ແລະມາດຕະການໃຫຍ່ ເພື່ອແນໃສ່ຊຸກຍູ້ການພົວພັນສອງຝ່າຍໃຫ້ພັດທະນາຢ່າງຮອບດ້ານ ແລະເລິກເຊິ່ງກວ່າອີກ, ສອດຄ່ອງກັບຄວາມມຸ່ງມາດປາດຖະໜາ ແລະຜົນປະໂຫຍດຂອງປະຊາຊົນສອງປະເທດ.
ທ່ານ ບຸ່ຍແທັງເຊີນ ຫວັງວ່າ ທ່ານປະທານາທິບໍດີໄອແລນ ຈະສະໜັບສະໜູນສອງຝ່າຍຊຸກຍູ້ການແລກປ່ຽນຄະນະຜູ້ແທນ ແລະການພົບປະຂັ້ນສູງ ແລະທຸກຂັ້ນ; ມີຄໍາເຫັນປະກອບສ່ວນກຊຸກຍູ້ລັດຖະສະພາໄອແລນ ໃຫ້ສັດຕະຍາບັນສັນຍາປົກປ້ອງການລົງທຶນ ອີຢູ - ຫວຽດນາມ (EVIPA) ໂດຍໄວ; ຍູ້ແຮງການຮ່ວມມືດ້ານການສຶກສາ-ກໍ່ສ້າງ ລະຫວ່າງສອງປະເທດ, ເປີດກວ້າງການພົບປະແລກປ່ຽນດ້ານວັດທະນະທຳ, ສິລະປະ, ເຊື່ອມຕໍ່ ແລະຊຸກຍູ້ການຮ່ວມມືລະຫວ່າງບັນດາທ້ອງຖິ່ນ...
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/01/upload_2121/01033024-tt01-01.jpg?dpi=150&quality=100&w=500) |
ທ່ານ Michael D. Higgins ປະທານາທິບໍດີ ໄອແລນ ຖ່າຍຮູບພ້ອມກັບທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ. ພາບ: ສໍານັກຂ່າວສານຫວຽດນາມ |
ເນື່ອງໃນໂອກາດນີ້, ທ່ານ ບຸ່ຍແທັງເຊີນ ສະເໜີທ່ານປະທານາທິບໍດີໄອແລນ ສືບຕໍ່ສະໜັບສະໜູນຫວຽດນາມ ເປັນຄູ່ຮ່ວມມືບຸລິມະສິດໃນນະໂຍບາຍຮ່ວມມືພັດທະນາໃນໄລຍະຈະມາເຖິງ, ໜູນຊ່ວຍ ຫວຽດນາມ ພັດທະນາຊັບພະຍາກອນມະນຸດ ແລະ ການຫັນເປັນດີຈີຕອນ, ກະສິກຳເຕັກໂນໂລຢີສູງ.
ສ່ວນທ່ານ Michael D. Higgins ໄດ້ຮັບຮູ້ຂໍ້ສະເໜີຂອງຝ່າຍ ຫວຽດນາມ ແລະເຫັນດີຈະສືບຕໍ່ຊຸກຍູ້ການຮ່ວມມື ແລະເຊື່ອມຕໍ່ສອງຝ່າຍໃນທຸກຂົງເຂດ, ເປັນຕົ້ນແມ່ນດ້ານເສດຖະກິດ, ການພົບປະແລກປ່ຽນປະຊາຊົນ, ການສຶກສາ-ກໍ່ສ້າງ....
ປະທານາທິບໍດີ ໄອແລນ ກໍ່ເຫັນດີຕໍ່ຂໍ້ສະເໜີຂອງທ່ານລັດຖະມົນຕີ ບຸ່ຍແທັງເຊີນ ກ່ຽວກັບເລື່ອງສອງປະເທດຍູ້ແຮງການສົມທົບກັນ ແລະສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສຫຼາຍຝ່າຍ, ແກ້ໄຂການປະທະກັນ, ຄວາມຂັດແຍ້ງກັນໂດຍສັນຕິວິທີ ແລະເໝາະສົມກັບກົດບັດສະຫະປະຊາຊາດ ແລະກົດໝາຍສາກົນ ກໍຄືໃນການຮັບມືກັບສິ່ງທ້າທາຍໃນທົ່ວໂລກ, ຄື: ການປ່ຽນແປງຂອງດິນຟ້າອາກາດ ແລະການຄໍ້າປະກັນດ້ານສະບຽງອາຫານ ເພື່ອພ້ອມກັນປະກອບສ່ວນເຂົ້າໃນເປົ້າໝາຍພັດທະນາແບບຍືນຍົງຂອງແຕ່ລະປະເທດ, ເພື່ອສັນຕິພາບ, ການຮ່ວມມື ແລະການພັດທະນາໃນພາກພື້ນ ແລະໃນໂລກ.
ໂດຍ: ທູຈາງ