ປະທານສະພາແຫ່ງຊາດ ເວືອງດິ່ງເຫວະ ຢ້ຽມຢາມບັນດາສະຫາຍອາດີດການນຳຂັ້ນສູງຂອງລາວ
ກປ.ອອນໄລ - ໃນຂອບເຂດການຢ້ຽມຢາມລາວ ແລະ ເຂົ້າຮ່ວມກອງປະຊຸມສຸດຍອດສະພາແຫ່ງຊາດສາມປະເທດ ກຳປູເຈຍ-ລາວ-ຫວຽດນາມ ຄັ້ງທີ 1, ວັນທີ 4 ທັນວາ, ສະຫາຍ ເວືອງດິ່ງເຫວະ ປະທານສະພາແຫ່ງຊາດຫວຽດນາມ ໄດ້ມາຢ້ຽມຢາມສະຫາຍ ບຸນຍັງ ວໍລະຈິດ, ອະດີດເລຂາທິການໃຫຍ່, ອະດີດປະທານປະເທດລາວ ແລະສະຫາຍ ທອງສິງ ທຳມະວົງ ອາດີດນາຍົກລັດຖະມົນຕີລາວ.
ສະຫາຍປະທານສະພາແຫ່ງຊາດ ເວືອງດິ່ງເຫວະ ອວຍພອນບັນດາສະຫາຍອາດີດການນຳຂັ້ນສູງຂອງລາວ ເນື່ອງໃນໂອກາດວັນຊາດລາວ ຄັ້ງທີ 48, ຕີລາຄາສູງບັນດາຜົນງານອັນໃຫຍ່ຫຼວງພາຍໃນ ແລະພົວພັນຕ່າງປະເທດທີ່ພັກ, ລັດ ແລະປະຊາຊົນລາວ ອ້າຍນ້ອງ ຍາດມາໄດ້ໃນຊຸມປີຜ່ານມາ, ໃນນັ້ນມີການປະກອບສ່ວນສຳຄັນຂອງບັນດາສະຫາຍອາດີດການນຳຂັ້ນສູງຂອງລາວ. ສະຫາຍປະທານສະພາແຫ່ງຊາດ ເວືອງດິ່ງເຫວະ ໄດ້ສະແດງຄວາມເຊື່ອມໝັ້ນວ່າ ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະເທດລາວ ຈະຜ່ານຜ່າຄວາມຫຍຸ້ງຍາກ ແລະນັບມື້ພັດທະນາເປັນເອກະລາດ, ເປັນເຈົ້າຕົນເອງ, ວັດທະນາຖາວອນ, ປະຊາຊົນລາວ ອ້າຍນ້ອງມີຊີວິດອີ່ມໜໍາສໍາລານ ແລະມີຄວາມສຸກ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/12/05/upload_2122/05122023_th_07.jpg?dpi=150&quality=100&w=500) |
ສະຫາຍປະທານສະພາແຫ່ງຊາດ ເວືອງດິ່ງເຫວະ ຢ້ຽມຢາມຖາມຂ່າວສະຫາຍ ບຸນຍັງ ວໍລະຈິດ, ອະດີດເລຂາທິການໃຫຍ່, ອະດີດປະທານປະເທດລາວ. ພາບ: ຈ໊ຽນທັ໊ງ |
ບັນດາສະຫາຍອາດີດການນຳຂັ້ນສູງຂອງລາວ ໄດ້ສະແດງຄວາມຂອບອົກຂອບໃຈຕໍ່ສະຫາຍປະທານສະພາແຫ່ງຊາດ ເວືອງດິ່ງເຫວະ ທີ່ໄດ້ມາຢ້ຽມຢາມ ແລະເນັ້ນໜັກວ່າ ຄວາມສະໜິດຕິດພັນ, ສະໜິດສະໜົມກັບຫວຽດນາມ ຢາມໃດກໍ່ເລິກເຊິ່ງ, ພ້ອມທັງສະແດງຄວາມພາກພູມໃຈຕໍ່ການພັດທະນາອັນດີງາມຂອງການພົວພັນຮ່ວມມືລະຫວ່າງສອງປະເທດໃນທຸກຂົງເຂດ. ບັນດາສະຫາຍອາດີດການນຳໄດ້ຂອບໃຈຕໍ່ການສະໜັບສະໜຸນ, ການຊ່ວຍເຫຼືອອັນລ້ຳຄ່າເຊິ່ງຫວຽດນາມ ສະຫງວນໃຫ້ ລາວ ແລະສະເໜີໃຫ້ທັງສອງຝ່າຍສືບຕໍ່ເພີ່ມພູນຄູນສ້າງສາຍພົວພັນມິດຕະພາບແບບພິເສດ ຫວຽດນາມ-ລາວ; ພ້ອມທັງເນັ້ນໜັກຄວນສືບຕໍ່ເອົາໃຈໃສ່ສຶກສາອົບຮົມ ແລະໂຄສະນາໃຫ້ລຸ້ນໜຸ່ມສອງປະເທດກ່ຽວກັບມູນເຊື້ອການພົວພັນແບບພິເສດ ແລະຄວາມສະໜິດຕິດພັນ, ສັດຊື່ບໍລິສຸດລະຫວ່າງລາວ-ຫວຽດນາມ, ຫວຽດນາມ-ລາວ.
ໂດຍ: ໄພລິນ ບຸນຍັງ