ທ່ານເລຂາທິການໃຫຍ່ ຫງວຽນຝູຈ້ອງ ຕ້ອນຮັບຄະນະຜູ້ແທນຂັ້ນສູງພັກ ແລະລັດ ກູບາ
ກປ.ອອນໄລ - ຕອນບ່າຍວັນທີ 27 ກັນຍາ, ທີ່ສໍານັກງານສູນກາງພັກ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງພັກ ແລະລັດກູບາ ນໍາໂດຍທ່ານ Esteban Lazo Hernandez, ກໍາມະການກົມການເມືອງພັກກອມມູນິດກູບາ, ປະທານສະພາແຫ່ງຊາດອໍານາດການປົກຄອງ ກູບາ ມາຢ້ຽມຢາມຫວຽດນາມ ແລະເຂົ້າຮ່ວມພິທີສະເຫຼີມສະຫຼອງ 50 ປີແຫ່ງການຢ້ຽມຢາມເຂດປົດປ່ອຍພາກໃຕ້ຫວຽດນາມ ຂອງຜູ້ນໍາ Fidel Castro (9-1973/9-2023).
    |
 |
|
ທ່ານເລຂາທິການໃຫຍ່ ຫງວຽນຝູຈ້ອງ ແລະທ່ານ Esteban Lazo Hernandez, ປະທານສະພາແຫ່ງຊາດອໍານາດການປົກຄອງ ກູບາ. ພາບ: qdnd.vn |
ທີ່ການຕ້ອນຮັບ, ການນຳສອງທ່ານໄດ້ເຫັນດີເປັນເອກະພາບສືບຕໍ່ປັບປຸງພື້ນຖານການພົວພັນດ້ານການເມືອງລະຫວ່າງສອງພັກ, ເປັນທິດທາງໃຫ້ແກ່ການພັດທະນາການພົວພັນຮ່ວມມືລະຫວ່າງສອງປະເທດ. ພ້ອມທັງ, ສະເໜີໃຫ້ບັນດາກະຊວງ, ຂະແໜງການ, ອົງການຈັດຕັ້ງ ແລະທ້ອງຖິ່ນຂອງສອງປະເທດສົມທົບກັນຢ່າງແໜ້ນແຟ້ນ, ຜັນຂະຫຍາຍບັນດາຂໍ້ຕົກລົງຂັ້ນສູງ, ໂຄງການ, ສັນຍາທີ່ໄດ້ລົງນາມແລ້ວ ຢ່າງມີໄຫວພິບ. ພ້ອມກັນນັ້ນ, ເພີ່ມທະວີການແລກປ່ຽນທິດສະດີ, ບົດຮຽນປະສົບການ ແລະເລືອກເຟັ້ນບັນດາຂົງເຂດທີ່ມີຄວາມສາມາດບົ່ມຊ້ອນຫຼາຍຢ່າງ ແລະແບບວິທີທີ່ເໝາະສົມເພື່ອສ້າງບາດກ້າວພັດທະນາໃໝ່ໃນການຮ່ວມມືດ້ານເສດຖະກິດ, ການຄ້າ, ການລົງທຶນ, ກະສິກຳ, ການສຶກສາ, ເຕັກໂນໂລຢີຊີວະສາດ, ສາທາລະນະສຸກ...
|
|
 |
|
ທ່ານເລຂາທິການໃຫຍ່ ຫງວຽນຝູຈ້ອງ ແລະທ່ານ Esteban Lazo Hernandez, ປະທານສະພາແຫ່ງຊາດອໍານາດການປົກຄອງກູບາ ທີ່ການຕ້ອນຮັບ. ພາບ: qdnd.vn |
ທ່ານເລຂາທິການໃຫຍ່ ຫງວຽນຝູຈ້ອງ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສໍາຄັນ, ຮັກສາ ແລະຕັດສິນໃຈເຮັດໃຫ້ສາຍພົວພັນສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ກູບາ ເລິກເຊິ່ງກວ່າອີກ. ຫຼັກໝັ້ນສະເໝີຕົ້ນສະເໝີປາຍຂອງຫວຽດນາມ ແມ່ນຍາມໃດກໍ່ສາມັກຄີ, ສະໜັບສະໜູນກູບາ, ຄັດຄ້ານ ແລະຮຽກຮ້ອງໃຫ້ຢຸດຕິນະໂຍບາຍປິດລ້ອມ, ຂວ້ຳບາດຕ້ານ ກູບາ. ຫວຽດນາມ ແບ່ງປັນຄວາມຫຍຸ້ງຍາກຂອງກູບາ, ຍາມໃດກໍ່ຈະມານະພະຍາຍາມ ເພື່ອຍົກສູງປະສິດທິຜົນການຮ່ວມມື, ສະໜັບສະໜູນກູບາ ຈົນສຸດຄວາມສາມາດຂອງຕົນ.
|
|
 |
|
ບັນຍາກາດທີ່ການຕ້ອນຮັບ. ພາບ: qdnd.vn |
ສ່ວນທ່ານ Esteban Lazo Hernandez ຢືນຢັນວ່າ, ການນຳ ແລະປະຊາຊົນກູບາ ປາດຖະໜາຢາກເປີດກວ້າງ ແລະເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງພັກ ແລະສອງປະເທດໃຫ້ເລິກເຊິ່ງຂຶ້ນຕື່ມ; ພ້ອມທັງ, ກຳນົດການພົວພັນກັບຫວຽດນາມ ແມ່ນມີຄວາມໝາຍຍຸດທະສາດ.
ໂດຍ: ທູຈາງ