ທີ່ການຕ້ອນຮັບ, ທ່ານຮອງປະທານສະພາແຫ່ງຊາດ ຫງວຽນດຶກຫາຍ ຢັ້ງຢືນວ່າ ຫວຽດນາມ ຖືເປັນສຳຄັນ ແລະຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານກັບໂປໂລຍ. ເນື່ອງໃນໂອກາດນີ້, ທ່ານຮອງປະທານສະພາແຫ່ງຊາດ ໄດ້ສະແດງຄວາມຂອບໃຈລັດຖະບານ, ສະພາແຫ່ງຊາດໂປໂລຍ ໃນໄລຍະຜ່ານມາທີ່ໄດ້ມອບວັກຊິນ ເກືອບ 1,4 ລ້ານໂດສ ແລະອຸປະກອນການແພດ 8 ໂຕນທີ່ມີມູນຄ່າປະມານ 4 ລ້ານໂດລາສະຫະລັດ ໃຫ້ແກ່ຫວຽດນາມ ເພື່ອຮັບມືກັບພະຍາດໂຄວິດ - 19.

leftcenterrightdel
ທ່ານ ຫງວຽນດຶກຫາຍ ຮອງປະທານສະພາແຫ່ງຊາດຫວຽດນາມ ຕ້ອນຮັບທ່ານ Zbigniew Rau ລັດຖະມົນຕີການຕ່າງປະເທດໂປໂລຍ. ພາບ: ສໍານັກຂ່າວສານຫວຽດນາມ

ເມື່ອແລກປ່ຽນກ່ຽວກັບການຮ່ວມມືດ້ານລັດຖະສະພາ, ທ່ານ  ຫງວຽນດຶກຫາຍ ແລະທ່ານ Zbigniew Rau         ປາດຖະໜາຢາກຊຸກຍູ້ການຮ່ວມມືສອງຝ່າຍ, ໃນນັ້ນ ການຮ່ວມມືລັດຖະສະພາໃນໄລຍະຈະມາເຖິງຈະມີບັນດາບາດກ້າວພັດທະນາ ແລະໝາກຜົນທີ່ດີງາມກວ່າອີກ. ສອງຝ່າຍກໍ່ແລກປ່ຽນກ່ຽວກັບການຮ່ວມມືໃນບັນດາຂົງເຂດສຶກສາ-ກໍ່ສ້າງ; ວິທະຍາສາດ ເຕັກໂນໂລຢີ, ການເງິນ-ທະນາຄານ...

ກ່ຽວຂ້ອງເຖິງບັນຫາທະເລຕາເວັນອອກ ແລະພາກພື້ນ, ທ່ານ  ຫງວຽນດຶກຫາຍ ແລະທ່ານ Zbigniew Rau ເນັ້ນໜັກເຖິງຄວາມສຳຄັນຂອງການຮັບປະກັນຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ, ການບິນຢູ່ທະເລຕາເວັນອອກ, ກໍ່ຄືແກ້ໄຂການຂັດແຍ້ງກັນໂດຍສັນຕິວິທີ ບົນພື້ນຖານກົດໝາຍສາກົນ.

ໂດຍ: ທະນາພອນ