ຫວຽດນາມ ເປັນຄູ່ຮ່ວມມືສໍາຄັນແຖວໜ້າຂອງໂປໂລຍ ຢູ່ອາຊີຕາເວັນອອກສ່ຽງໃຕ້
ກປ.ອອນໄລ - ໂດຍໄດ້ຮັບຄໍາເຊີນຂອງທ່ານ ບຸ່ຍແທັງເຊີນ, ລັດຖະມົນຕີກະຊວງການຕ່າງປະເທດ ຫວຽດນາມ, ທ່ານ Zbigniew Rau, ລັດຖະມົນຕີກະຊວງການຕ່າງປະເທດໂປໂລຍ ມາຢ້ຽມຢາມຫວຽດນາມ ຢ່າງເປັນທາງການ ໃນລະຫວ່າງວັນທີ 16-17 ມີນາ. ຕອນເຊົ້າວັນທີ 16 ມີນາ, ລັດຖະມົນຕີສອງທ່ານໄດ້ດໍາເນີນການເຈລະຈາ.
    |
 |
|
ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດຫວຽດນາມ ຕ້ອນຮັບທ່ານ Zbigniew Rau, ລັດຖະມົນຕີກະຊວງການຕ່າງປະເທດໂປໂລຍ. ພາບ: baoquocte.vn |
ທີ່ການພົບປະເຈລະຈາ, ສອງຝ່າຍເຫັນດີເປັນເອກະພາບໂດຍຖືວ່າ ສອງປະເທດຍັງມີຄວາມສາມາດບົ່ມຊ້ອນຫຼາຍຢູ່ ເພື່ອເພີ່ມທະວີການພົວພັນຮ່ວມມືສອງຝ່າຍ, ພ້ອມທັງເຫັນດີເປັນເອກະພາບຕໍ່ບັນດາມາດຕະການ ເພື່ອແນໃສ່ຍູ້ແຮງການຮ່ວມມືໃນຫຼາຍຂົງເຂດໃນໄລຍະຈະມາເຖິງ.
|
|
 |
|
ລັດຖະມົນຕີສອງທ່ານ ດໍາເນີນການເຈລະຈາ. ພາບ: baoquocte.vn |
ທ່ານ Zbigniew Rau ຕີລາຄາວ່າ ຫວຽດນາມ ແມ່ນໜຶ່ງໃນບັນດາຕະຫຼາດທີ່ມີຄວາມສາມາດບ່ົມຊ້ອນຫຼາຍທີ່ສຸດຂອງໂປໂລຍ ຢູ່ອາຊີຕາເວັນອອກ ສ່ຽງໃຕ້; ສະເໜີໃຫ້ຝ່າຍຫວຽດນາມ ສ້າງຄວາມສະດວກ ໃຫ້ສິນຄ້າປະເພດຕ່າງໆຂອງໂປໂລຍແຊກຊຶມເຂົ້າຕະຫຼາດຫວຽດນາມ.
ລັດຖະມົນຕີສອງທ່ານ ກໍ່ເຫັນດີເປັນເອກະພາບຊຸກຍູ້ການຮ່ວມມືສອງຝ່າຍ ໃນຂົງເຂດການສຶກສາ-ກໍ່ສ້າງ, ກະສິກໍາ, ຊັບພະຍາກອນ-ສິ່ງແວດລ້ອມ, ວັດທະນະທໍາ, ການທ່ອງທ່ຽວ, ການປະຕິສັງຂອນປູຊະນີຍະສະຖານ, ສາທາລະນະສຸກ, ເຕັກໂນໂລຢີຂໍ້ມູນຂ່າວສານ ແລະການສື່ສານ, ແຮງງານ...
ໃນໂອກາດນີ້, ສອງຝ່າຍໄດ້ລົງນາມຂໍ້ຕົກລົງການຮ່ວມມືລະຫວ່າງສະຖາບັນການທູດຫວຽດນາມ ແລະສະຖາບັນການທູດໂປໂລຍ.
ໂດຍ: ທູຈາງ