ເລຂາທິການໃຫຍ່ ຫງວຽນຝູຈ້ອງ ຕ້ອນຮັບປະທານາທິບໍດີເກຼັກ Katerina Sakellaropoulou
ກປ.ອອນໄລ - ວັນທີ 16 ພຶດສະພາ, ທີ່ສໍານັກງານສູນກາງພັກ, ທ່ານ ຫງວຽນຝູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ໃຫ້ການຕ້ອນຮັບທ່ານນາງ Katerina Sakellaropoulou ປະທານາທິບໍດີເກຼັກ ພ້ອມດ້ວຍຄະນະຜູ້ແທນຂັ້ນສູງລັດຖະບານເກຼັກ ເຂົ້າຢ້ຽມຂໍ່ານັບ ເນື່ອງໃນໂອກາດຢ້ຽມຢາມຫວຽດນາມ ຢ່າງເປັນທາງການ.
|
|
ທ່ານເລຂາທິການໃຫຍ່ ຫງວຽນຝູຈ້ອງ ຕ້ອນຮັບທ່ານນາງ Katerina Sakellaropoulou ປະທານາທິບໍດີເກຼັກ. ພາບ: qdnd.vn. |
ທີ່ການຕ້ອນຮັບ, ທ່ານ ຫງວຽນຝູຈ້ອງ ໄດ້ແລກປ່ຽນກັບທ່ານນາງ Katerina Sakellaropoulou ກ່ຽວກັບບັນດາໝາກຜົນແຫ່ງການປ່ຽນແປງໃໝ່, ເປົ້າໝາຍພັດທະນາຂອງຫວຽດນາມ ຮອດກາງສະຕະວັດທີ XXI, ບັນດາໝາກຜົນຕັ້ງໜ້າທີ່ບັນລຸໄດ້ໃນການປ້ອງກັນ, ຕ້ານພະຍາດໂຄວິດ-19, ການຮັບປະກັນຊີວິດສັງຄົມ, ການຟື້ນຟູ ແລະພັດທະນາເສດຖະກິດ ແລະແນວທາງພົວພັນຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ຮ່ວມມື ແລະພັດທະນາ; ຫັນການພົວພັນເປັນຫຼາຍຮູບຫຼາຍແບບ, ຫຼາຍຝ່າຍ; ຫວຽດນາມ ເປັນເພື່ອນມິດ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ.
|
|
ບັນຍາກາດທີ່ການຕ້ອນຮັບ. ພາບ: qdnd.vn. |
ສ່ວນທ່ານນາງ Katerina Sakellaropoulou ເຫັນດີເປັນເອກະພາບຕໍ່ການກໍານົດທິດ ເຊິ່ງທ່ານເລຂາທິການໃຫຍ່ ຫງວຽນຝູຈ້ອງ ໄດ້ຍົກອອກໃຫ້ສາຍພົວພັນສອງປະເທດ, ພ້ອມທັງສະແດງຄວາມປິຕິຊົມຊື່ນຕໍ່ການພັດທະນາຂອງການຮ່ວມມື, ທ່ານນາງ Katerina Sakellaropoulou ໄດ້ເນັ້ນໜັກເຖິງຄວາມສາມາດບົ່ມຊ້ອນໃນຫຼາຍຂົງເຂດ, ໃນນັ້ນມີການຄ້າ, ການຕໍ່ກໍາປັ່ນ, ການຂົນສົ່ງທາງທະເລ ແລະການທ່ອງທ່ຽວ.
ໂດຍ: ທູຈາງ