ນາຍົກລັດຖະມົນຕີຫວຽດນາມ ສິ້ນສຸດການຢ້ຽມຢາມຍີ່ປຸ່ນ ຢ່າງຈົບງາມ
ກປ.ອອນໄລ - ຕອນຄໍ່າວັນທີ 25 ພະຈິກ, ທ່ານ ຟ້າມມິງຈິ໊ງ ນາຍົກລັດຖະມົນຕີ ແລະຄະນະຜູ້ແທນຂັ້ນສູງລັດຖະບານຫວຽດນາມ ໄດ້ກັບມາຮອດຮ່າໂນ້ຍ, ສິ້ນສຸດການຢ້ຽມຢາມຍີ່ປຸ່ນ ຢ່າງຈົບງາມ ໃນລະຫວ່າງວັນທີ 22 ຮອດວັນທີ 25 ພະຈິກ ຕາມຄໍາເຊີນຂອງທ່ານ Kishida Fumio ນາຍົກລັດຖະມົນຕີຍີ່ປຸ່ນ.
ພາຍຫຼັງມາຮອດສະໜາມບິນສາກົນໂນ້ຍບ່າຍ, ຫ້ອງວ່າການນາຍົກລັດຖະມົນຕີຫວຽດນາມ ໄດ້ຈັດຕັ້ງພິທີມອບ-ຮັບວັກຊິນ ແລະຈໍານວນເງິນເພື່ອນຳໃຊ້ເຂົ້າໃນການປ້ອງກັນ, ຕ້ານພະຍາດໂຄວິດ-19 ທີ່ໄດ້ຊ່ວຍເຫຼືອໃນການຢ້ຽມຢາມ. ໃນໄລຍະຢ້ຽມຢາມຍີ່ປຸ່ນ ຢ່າງເປັນທາງການຂອງທ່ານ ຟ້າມມິງຈິ໊ງ ແລະຄະນະຜູ້ແທນຂັ້ນສູງລັດຖະບານຫວຽດນາມ, ໜຶ່ງໃນບັນດາຈຸດເນັ້ນນັ້ນແມ່ນໝາກຜົນຢ່າງລະອຽດຂອງການທູດວັກຊິນ; ການຮ່ວມມືປ້ອງກັນ, ຕ້ານພະຍາດໂຄວິດ-19. ຄະນະຜູ້ແທນໄດ້ຮັບການຊ່ວຍເຫຼືອຫຼາຍຢ່າງກ່ຽວກັບວັກຊິນ ແລະເງິນຊ່ວຍເຫຼືອໂດຍລັດຖະບານ, ວິສາຫະກິດຍ່ີ່ປຸ່ນ ມອບໃຫ້ຫວຽດນາມ.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສິ້ນສຸດການຢ້ຽມຢາມຍີ່ປຸ່ນ ຢ່າງຈົບງາມ. ພາບ: ສໍານັກຂ່າວສານຫວຽດນາມ. |
ທີ່ພິທີມອບ-ຮັບວັກຊິນ, ບັນດາຜູ້ແທນໄດ້ເປັນສັກຂີພິຍານ ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດ ຕາງໜ້າຄະນະປະຕິບັດງານໄດ້ມອບວັກຊິນ ແລະ ເງິນຊ່ວຍເຫຼືອໃຫ້ກະຊວງສາທາລະນະສຸກ ແລະກະຊວງການເງິນ ໂດຍລັດຖະບານ, ວິສາຫະກິດຍີ່ປຸ່ນ ມອບໃຫ້ຫວຽດນາມ. ຄະນະຜູ້ແທນໄດ້ມອບວັກຊິນ AstraZeneca ໃຫ້ກະຊວງສາທາລະນະສຸກ ຈຳນວນ 1.540.000 ໂດສໂດຍລັດຖະບານຍີ່ປຸ່ນ ຊ່ວຍເຫຼືອຫຼ້າ. ເພາະສະນັ້ນ, ມາຮອດປະຈຸບັນ, ລັດຖະບານ ແລະປະຊາຊົນຍີ່ປຸ່ນ ໄດ້ໜູນຊ່ວຍວັກຊິນໃຫ້ຫວຽດນາມ ຈຳນວນ 5,6 ລ້ານໂດສ ແລະວັດຖຸອຸປະກອນການແພດຫຼາຍຢ່າງ. ຄະນະປະຕິບັດງານກໍ່ມອບເງິນໃຫ້ກະຊວງການເງິນຈໍານວນ 1 ລ້ານໂດລາສະຫະລັດໂດຍທະນາຄານ Sumitomo Mitsui (SMBC) ອຸປະຖໍາໃຫ້ລັດຖະບານຫວຽດນາມ ເພື່ອຮັບໃຊ້ເຂົ້າໃນການປ້ອງກັນ, ຕ້ານພະຍາດໂຄວິດ-19.
ໂດຍ: ເກື່ອງດັ້ງ