ທ່ານ ຟ້າມມິງຈິ໊ງ ເຂົ້າຮ່ວມກອງປະຊຸມຖັນແຖວປັນຍາຊົນວິທະຍາສາດ ແລະເຕັກໂນໂລຢີຫວຽດນາມ
ກປ.ອອນໄລ - ວັນທີ 15 ກັນຍາ, ກ່າວຄໍາເຫັນທີ່ກອງປະຊຸມ “ຖັນແຖວປັນຍາຊົນວິທະຍາສາດ ແລະເຕັກໂນໂລຢີຫວຽດນາມ ຜັນຂະຫຍາຍການປະຕິບັດມະຕິກອງປະຊຸມໃຫຍ່ ຄັ້ງທີ XIII ຂອງພັກ”. ທ່ານ ຟ້າມມິງຈິ໊ງ ນາຍົກລັດຖະມົນຕີໄດ້ຊີ້ແຈ້ງວ່າ:
ກອງປະຊຸມໃຫຍ່ ຄັ້ງທີ XIII ຂອງພັກ ກໍານົດ 6 ຈຸດສຸມ, 3 ບຸກທະລຸຍຸດທະສາດ ແລະ 12 ໜ້າທີ່ຕົ້ນຕໍ, ຮຽກຮ້ອງພວກເຮົາຕ້ອງມີສະຕິຄວາມຮູ້ໃໝ່, ຈີນຕະນາການວິທະຍາສາດໃໝ່ຕິດກັບບັນດາມາດຕະການແທດຈິງ, ມີປະສິດທິຜົນເພື່ອນຳແຜນນະໂຍບາຍ, ແນວທາງຂອງພັກ ເຂົ້າສູ່ພຶດຕິກຳຕົວຈິງຂອງຊີວິດການເປັນຢູ່, ເພື່ອໃຫ້ວິທະຍາສາດ ແລະເຕັກໂນໂລຢີ ກາຍເປັນກຳລັງໜູນພັດທະນາ, ປະກອບສ່ວນນຳປະເທດຊາດໃຫ້ພັດທະນາໄວ ແລະຍືນຍົງ...
|
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກ່າວຄຳເຫັນທີ່ກອງປະຊຸມ. ພາບ: ສຳນັກຂ່າວສານຫວຽດນາມ. |
ທ່ານ ຟ້າມມິງຈິ໊ງ ຢັ້ງຢືນວ່າ ລັດຖະບານຈະກໍ່ສ້າງໂຄງການດຳເນີນງານພັດທະນາກ່ຽວກັບວິທະຍາສາດ ແລະເຕັກໂນໂລຢີ, ໃນນ້ັນຕ້ອງຕິດພັນກັບໜ້າທີ່ການເມືອງຈຸດສຸມຂອງປະເທດ, ຕິດພັນກັບການຫັນປ່ຽນດີຈີຕອນ, ພື້ນຖານເສດຖະກິດດີຈີຕອນ, ສັງຄົມດີຈີຕອນເພື່ອນຳມາເຊິ່ງຄຸນຄ່າ, ຍົກສູງຊີວິດການເປັນຢູ່ດ້ານວັດຖຸ ແລະຈິດໃຈຂອງປະຊາຊົນໃຫ້ສູງກວ່າອີກ...
ທ່ານ ຟ້າມມິງຈິ໊ງ ຮຽກຮ້ອງສະຫະສະມາຄົມຕ້ອງມີມາດຕະການເພື່ອຊຸກຍູ້, ຍົກສູງຄຸນນະພາບບັນດາປະກາດວິທະຍາສາດສາກົນຂອງຫວຽດນາມ, ພິເສດແມ່ນໃນຂົງເຂດ ວິທະຍາສາດສັງຄົມ ແລະມະນຸດສາດ; ລະດົມທຸກແຫຼ່ງກຳລັງສັງຄົມສຳລັບການພັດທະນາວິທະຍາສາດ ແລະເຕັກໂນໂລຢີ; ເພີ່ມທະວີການຮ່ວມມືພາກລັດ-ພາກເອກະຊົນ, ຮ່ວມອຸ ປະຖຳລະຫວ່າງລັດ ແລະວິສາຫະກິດໃຫ້ແກ່ໜ້າທີ່ຄົ້ນຄວ້າວິທະຍາສາດ, ພັດທະນາເຕັກໂນໂລຢີ ແລະປ່ຽນແປງໃໝ່, ປະດິດສ້າງ...
ໂດຍ: ແສງເດືອນ