ກ່າວຄໍາເຫັນໄຂກອງປະຊຸມ, ທ່ານ ຫວູ໊ບ໋າຝູ໊, ຫົວໜ້າກົມສົ່ງເສີມການຄ້າ (Vietrade) ເນັ້ນໜັກວ່າ ໃນສະພາບບັນດາປະເທດຍັງປິດຊາຍແດນ ແລະຕໍ່ໜ້າຜົນກະທົບອັນຫຍໍ້ທໍ້ໂດຍພະຍາດໂຄວິດ-19 ກໍ່ຂຶ້ນ, ນີ້ແມ່ນໜຶ່ງໃນບັນດາການເຄື່ອນໄຫວສົ່ງເສີມທີ່ສໍາຄັນ, ສ້າງຂົວເຊື່ອມຕໍ່ໃຫ້ວິສາຫະກິດ 3 ປະເທດໃນສະພາບທີ່ການໄປມາຢ້ຽມຢາມ, ການທຸລະກໍາໂດຍກົງຢູ່ຕະຫຼາດຂອງກັນຍັງບໍ່ທັນເຊື່ອມຕໍ່ຄືນໃໝ່.

leftcenterrightdel
ບັນຍາກາດທີ່ກອງປະຊຸມພົວພັນແລກປ່ຽນການຄ້າຜ່ານລະບົບທາງໄກກ່ຽວກັບການຂຸດຄົ້ນຄວາມສາມາດບົ່ມຊ້ອນການຮ່ວມມືດ້ານການຄ້າ ແລະການລົງທຶນຫວຽດນາມ-ອານເຊລີ-ເຊເນການປີ 2021 ຢູ່ນະຄອນຫຼວງອານເຊລີ. ພາບ: ສໍານັກຂ່າວສານຫວຽດນາມ.

ສ່ວນທ່ານ ຫງວຽນແທັ່ງວິງ ເອກອັກຄະລັດຖະທູດ ປະຈໍາ ອານເຊລີ ໃຫ້ຮູ້ວ່າ ນີ້ແມ່ນຄັ້ງທີ 2 ເຊິ່ງສະຖານທູດຫວຽດນາມ ປະຈຳ ອານເຊລີ ໄດ້ຈັດຕັ້ງກອງປະຊຸມສໍາມະນາຜ່ານລະບົບທາງໄກໃຫ້ແກ່ວິສາຫະກິດນັບແຕ່ເມື່ອພະຍາດໂຄວິດ-19 ແຜ່ລະບາດ. ຕາມທ່ານເອກອັກຄະລັດຖະທູດ, ສືບຕໍ່ກອງປະຊຸມສໍາມະນາສົ່ງເສີມດ້ານການຄ້າຫວຽດນາມ-ອານເຊລີ ຈັດຂຶ້ນໃນເດືອນພະຈິກ 2020, ກອງປະຊຸມພົວພັນແລກປ່ຽນດ້ານການຄ້າຜ່ານລະບົບທາງໄກຄັ້ງນີ້ເພື່ອແນໃສ່ສ້າງກາລະໂອກາດໃຫ້ວິສາຫະກິດສາມປະເທດພົບປະ,  ແລກປ່ຽນກ່ຽວກັບຄວາມສາມາດຮ່ວມມືດ້ານການຄ້າ, ການລົງທຶນ ແລະສ້າງຕັ້ງການພົວພັນໂດຍກົງຢ່າງມີປະສິດທິຜົນ.

ກ່າວຄໍາເຫັນທີ່ກອງປະຊຸມ, ທ່ານ Abdoulaye Sow ປະທານຫ້ອງການຄ້າ-ອຸດສາຫະກໍາ ແລະກະສິກໍາ Dakar ແລະການນໍາອົງການພັດທະນາເສດຖະກິດແຫ່ງຊາດ ອາເຊີລີ (ONDE) ກໍ່ໄດ້ແບ່ງປັນກ່ຽວກັບຄວາມສາມາດບົ່ມຊ້ອນ, ຄວາມຕ້ອງການຮ່ວມມືໃນຂົງເຂດເສດຖະກິດຂອງເຊເນການ ແລະອານເຊລີ ກັບ ຫວຽດນາມ, ພ້ອມກັນນັ້ນ ຜູ້ຕາງໜ້າສອງປະເທດນີ້ກໍ່ຍົກອອກບັນດາຂໍ້ສະເໜີເພື່ອຊ່ວຍບັນດາຝ່າຍເພີ່ມທະວີຄວາມເຂົ້າໃຈເຊິ່ງກັນ ແລະກັນກວ່າອີກເພື່ອແນໃສ່ສ້າງຕັ້ງການພົວພັນຄູ່ຮ່ວມມືທີ່ໄວ້ເນື້ອເຊື່ອໃຈ.

ສ່ວນທ່ານ Roubai Nasreddine Mounir ປະທານ ONDE ໄດ້ຕີລາຄາສູງກ່ຽວກັບປະສິດທິຜົນຂອງກອງປະຊຸມໃນການສົ່ງເສີມການຄ້າ ແລະການລົງທຶນຂອງສາມປະເທດອານເຊລີ-ເຊເນການ ແລະຫວຽດນາມ, ພິເສດແມ່ນໃນສະພາບພະຍາດໂຄວິດ-19 ສົ່ງຜົນສະທ້ອນຢ່າງແຮງເຖິງທົ່ວໂລກຄືໃນປະຈຸບັນ. ທ່ານ Mounir ກໍ່ຢັ້ງຢືນວ່າ ອານເຊນີແມ່ນຕະຫຼາດທີ່ມີຄວາມສາມາດບົ່ມຊ້ອນ, ທັງແມ່ນປະຕູສໍາຄັັນຊ່ວຍໃຫ້ວິສາຫະກິດຫວຽດນາມ ເພີ່ມທະວີການລົງທຶນ ແລະການຮ່ວມມືດ້ານການຄ້າກັບອານເຊລີ ເວົ້າສະເພາະ ແລະອາຟະລິກາ ເວົ້າລວມ.

ເນ່ືອງໃນໂອກາດນີ້, ທ່ານ ຮວ່າງດຶກຍ້ວນ ທີ່ປຶກສາດ້ານການຄ້າຫວຽດນາມ ປະຈໍາ ອານເຊລີ (ຄວບຕຳແໜ່ງບັນດາຕະຫຼາດ ເຊເນການ, ມາລີ, Niger ແລະ Gambia ແລະ ຕູນີເຊຍ) ໄດ້ແນະນໍາກ່ຽວກັບຄວາມສາມາດບົ່ມຊ້ອນໃນການສົ່ງອອກ, ນໍາເຂົ້າ ແລະການລົງທຶນລະຫວ່າງຫວຽດນາມ ກັບອານເຊລີ ແລະເຊນາການ, ບັນດາມາດຕະການຊຸກຍູ້ການພົວພັນດ້ານການຄ້າ, ອຸດສາຫະກໍາໃນໄລຍະຈະມາເຖິງ ແລະເຜີຍແຜ່ຂໍ້ກຳນົດກ່ຽວກັບການນໍາເຂົ້າ, ສົ່ງອອກວິທີການຊໍາລະ, ພາສີ…

ໂດຍ: ເກື່ອງດັ້ງ