ບົດບາດຂອງສື່ມວນຊົນກ່ຽວກັບມາດຕະຖານວັດທະນະທຳໃນການປະພຶດ
ກປ.ອອນໄລ - ໃນຂອບເຂດງານບຸນໜັງສືພິມທົ່ວປະເທດປີ 2019, ວັນທີ 16 ມີນາ, ຢູ່ຮ່າໂນ້ຍ, ກະຊວງວັດທະນະທຳ, ກິລາ ແລະທ່ອງທ່ຽວ, ກະຊວງຖະແຫຼງຂ່າວ ແລະສື່ສານ , ສະມາຄົມນັກຂ່າວຫວຽດນາມ ໄດ້ສົມທົບກັນຈັດຕັ້ງກອງປະຊຸມສຳມະນາ “ບົດບາດຂອງສື່ມວນຊົນໃນການສື່ສານກ່ຽວກັບມາດຕະຖານດ້ານວັດທະນະທຳໃນການປະພຶດ”. ທ່ານ ຫວູດຶກດາມ, ກໍາມະການສູນກາງພັກ, ຮອງນາຍົກລັດຖະມົນຕີຫວຽດນາມ ເຂົ້າຮ່ວມ ແລະກ່າວຄໍາເຫັນຊີ້ນໍາ.
|
|
ທ່ານ ຫວູດຶກດາມ ຮອງນາຍົກລັດຖະມົນຕີຫວຽດນາມ ກ່າວຄໍາເຫັນຊີ້ນໍາທີ່ກອງປະຊຸມສຳມະນາ. ພາບ: qdnd.vn. |
ກ່າວຄຳເຫັນທີ່ກອງປະຊຸມສຳມະນາ, ທ່ານ ຫວູດຶກດາມ ໄດ້ຕີລາຄາສູງກອງປະຊຸມສຳມະນາ, ຖືວ່ານີ້ແມ່ນການເຄື່ອນໄຫວຢ່າງແທດຈິງ, ທີ່ມີຄວາມໝາຍສໍາຄັນທີ່ສຸດໃນການຊີ້ນໍາ, ນໍາພາ, ສືບຕໍ່ປະຕິບັດມະຕິຂອງຄະນະບໍລິຫານງານສູນກາງພັກກ່ຽວກັບການສ້າງວັດທະນະທໍາຄົນຫວຽດນາມໃຫ້ດີ ເພື່ອຕອບສະໜອງຄວາມຕ້ອງການພັດທະນາປະເທດແບບຍືນຍົງ; ພ້ອມທັງຖືວ່າ, ໃນວຽກງານໂຄສະນາກ່ຽວກັບມາດຕະຖານດ້ານວັດທະນະທຳ, ສື່ມວນຊົນບໍ່ພຽງແຕ່ສ່ອງແສງເຫດການເທົ່ານັ້ນ ຫາກຍັງຕ້ອງມີການໄຈ້ແຍກ, ຍົກອອກຂໍ້ສະເໜີແນະທີ່ມີລັກສະນະກຳນົດທິດ. ເພື່ອປະຕິບັດໄດ້ສິ່ງນີ້ໃຫ້ໄດ້, ແມ່ນຕ້ອງມີການປະສານສົມທົບລະຫວ່າງສື່ມວນຊົນກັບບັນດານັກຄົ້ນຄວ້າ, ບັນດາກະຊວງ, ຂະແໜງການ ຄື: ກະຊວງວັດທະນະທຳ, ກິລາ ແລະທ່ອງທ່ຽວ; ກະຊວງສຶກສາ ແລະກໍ່ສ້າງ; ກະຊວງຖະແຫຼງຂ່າວ ແລະສື່ສານ... ທ່ານ ຫວູດຶກດາມ ເນັ້ນໜັກວ່າ, ເລື່ອງສ້າງພື້ນຖານວັດທະນະທໍາທີ່ດີຈະຊ່ວຍໃຫ້ປະເທດພັດທະນາແບບຍືນຍົງ. ຍ້ອນເຫດນັ້ນ, ສື່ມວນຊົນຄວນສະຕິຢ່າງຈະແຈ້ງກ່ຽວກັບບົດບາດຂອງຕົນ.
ໂດຍ: ເຈິ່ນຮວ່ຽນ