ປ່ຽນແປງໃໝ່ການເຄື່ອນໄຫວຂອງແນວໂຮມປະເທດຊາດ, ສ້າງກົງຈັກໃຫ້ກະທັດຮັດ ແລະມີປະສິດທິຜົນ
ກປ.ອອນໄລ - ວັນທີ 13 ມີນາ, ທີ່ຮ່າໂນ້ຍ, ຄະນະກໍາມະການສູນກາງແນວໂຮມປະເທດຊາດຫວຽດນາມ ໄດ້ຈັດຕັ້ງກອງປະຊຸມຜ່ານທາງເຄືອຂ່າຍອິນເຕີແນັດເພື່ອຜັນຂະຫຍາຍໜ້າທີ່ຈຸດສຸມວຽກງານແນວໂຮມປີ 2019. ທ່ານ ເຈິ່ນແທັງເໝິນ, ເລຂາທິການສູນກາງພັກ, ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ເປັນປະທານກອງປະຊຸມ.
ປີ 2019, ຄະນະກໍາມະການສູນກາງແນວໂຮມປະເທດຊາດຫວຽດນາມ ໄດ້ວາງອອກ 6 ເນື້ອໃນຈຸດສຸມ ແລະ 9 ມາດຕະການໃຫ້ແກ່ການເຄື່ອນໄຫວຂອງແນວໂຮມປະເທດຊາດທຸກຂັ້ນ. ຕາມນັ້ນແລ້ວ, ແນວໂຮມປະເທດຊາດຫວຽດນາມຂັ້ນຕ່າງໆໄດ້ສຸມໃສ່ເຂົ້າໃນບັນດາເນື້ອໃນຈຸດສຸມ, ຄື: ຈັດຕັ້ງກອງປະຊຸມໃຫຍ່ແນວໂຮມປະເທດຊາດຫວຽດນາມທຸກຂັ້ນ ແລະກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມ ຄັ້ງທີ IX; ຍົກສູງປະສິດທິຜົນການໂຄສະນາ, ປຸກລະດົມຂົນຂວາຍ, ເຕົ້າໂຮມປະຊາຊົນທຸກຊັ້ນວັນນະ, ປັບປຸງ ແລະເສີມຂະຫຍາຍກໍາລັງແຮງມະຫາສາມັກຄີທົ່ວປວງຊົນທັງຊາດ...
    |
 |
|
ທ່ານ ເຈິ່ນແທັງເໝິນ, ເລຂາທິການສູນກາງພັກ, ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ເປັນປະທານກອງປະຊຸມ. ພາບ: mattran.org.vn. |
ກ່າວຄໍາເຫັນສະຫຼຸບກອງປະຊຸມ, ທ່ານ ເຈິ່ນແທັງເໝິນ ໄດ້ເນັ້ນໜັກວ່າ: ແນວໂຮມປະເທດຊາດຂັ້ນຕ່າງໆຄວນສືບຕໍ່ປ່ຽນແປງໃໝ່ການເຄື່ອນໄຫວ, ແກ້ໄຂຄວາມຫຍຸ້ງຍາກ, ເພີ່ມທະວີການພົບປະແລກປ່ຽນ, ຮຽນຮູ້ປະສົບການຈາກບັນດາຮູບແບບທີ່ເປັນແບບຢ່າງເພື່ອຍູ້ແຮງບັນດາບັ້ນປຸກລະດົມ, ຂະບວນການຕ່າງໆ ໂດຍແນວໂຮມປະເທດຊາດ ຈັດຕັ້ງ ແລະມີບັນດາກິດຈະກຳຈຸດສຸມເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມ ຄັ້ງທີ IX; ອາຍຸການ 2019-2024; ພ້ອມທັງສຸມໃສ່ເຂົ້າໃນບັນດາລາຍການຕິດຕາມກວດກາ, ຕີລາຄາຄຸນນະພາບຕາມທິດມີຈຸດສຸມ, ຈຸດໜັກ...
ໂດຍ: ກວຽດເຕິມ