ເພີ່ມພູນຄູນສ້າງນໍ້າໃຈສາມັກຄີ, ມິດຕະພາບ ຫວຽດນາມ-ກໍາປູເຈຍ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນມິດຕະພາບທີ່ເປັນມູນເຊື້ອຫວຽດນາມ-ກໍາປູເຈຍ (1979 - 2019), ຕອນຄໍ່າວັນທີ 11 ມັງກອນ, ຢູ່ນະຄອນໂຮ່ຈິມິນ, ສູນກາງສະມາຄົມມິດຕະພາບ ຫວຽດນາມ-ກໍາປູເຈຍ, ສະມາຄົມມິດຕະພາບ ຫວຽດນາມ-ກໍາປູເຈຍ ນະຄອນໂຮ່ຈິມິນ ແລະບໍລິສັດເດື່ອງແສັກ (ຖະໜົນປື້ມ) ນະຄອນ ໄດ້ສົມທົບກັນຈັດຕັ້ງລາຍການວັນບຸນ “ເພີ່ມພູນຄູນສ້າງນໍ້າໃຈມິດຕະພາບ”.
ເຂົ້າຮ່ວມວັນບຸນດັ່ງກ່າວຍັງມີຜູ້ຕາງໜ້າພໍ່ແມ່ທີ່ໃຫ້ການຊ່ວຍເຫຼືອອຸປະຖໍາ ແລະນັກຮຽນ, ນັກສຶກສາກໍາປູເຈຍ ແມ່ນລູກບຸນທໍາກວ່າ 30 ຄົນ, ເຂົາເຈົ້າໄດ້ພ້ອມກັນແບ່ງປັນຄວາມຕື້ນຕັນໃຈ, ອາລົມຈິດ, ການເຄົາລົບນັບຖືເຊິ່ງກັນ ແລະກັນໃນຕະຫຼອດເວລາທີ່ມີຄວາມຜູກພັນນຳກັນ, ພ້ອມກັນແບ່ງປັນ, ຮັກແພງກັນ ແລະອຸ້ມຊູ້ຊ່ວຍເຫຼືອ ເຊິ່ງກັນ ແລະກັນ.
|
|
ລາຍການພົບປະແລກປ່ຽນກັບບັນດານັກຮຽນ, ນັກສຶກສາກໍາປູເຈຍ ແລະພໍ່ແມ່ທີ່ໃຫ້ການຊ່ວຍເຫຼືອອຸປະຖໍາ ຢູ່ຫວຽດນາມ. ພາບ: ສໍານັກຂ່າວສານຫວຽດນາມ. |
ຂະບວນການ “ເພີ່ມພູນຄູນສ້າງນໍ້າໃຈມິດຕະພາບ” ເຊິ່ງສູນກາງສະມາຄົມມິດຕະພາບ ຫວຽດນາມ-ກໍາປູເຈຍ ປຸກລະດົມນັບແຕ່ປີ 2012 ແມ່ນເພື່ອແນໃສ່ໜູນຊ່ວຍ, ຊ່ວຍເຫຼືອນັກຮຽນ, ນັກສຶກສາກໍາປູເຈຍ ທີ່ພວມຮໍ່າຮຽນຢູ່ຫວຽດນາມ. ຜ່ານການຜັນຂະຫຍາຍມາເປັນເວລາ 5 ປີ, ຂະບວນການໄດ້ຮັບຄວາມເອົາໃຈໃສ່ຢ່າງເລິກເຊິ່ງຈາກການນໍາຫວຽດນາມຂັ້ນຕ່າງໆ.
ໂດຍ: ທູຈາງ