ໂຮງໝໍເສນາຮັກ 175 ຍູ້ແຮງການຮ່ວມມືດ້ານການແພດກັບນະຄອນ Leipzig ເຢຍລະມັນ
ກປ.ອອນໄລ - ຕອນບ່າຍວັນທີ 7 ທັນວາ, ຄະນະແພດໝໍ, ນັກຊ່ຽວຊານການແພດນະຄອນ Leipzig (ເຢຍລະມັນ) ໄດ້ມາຢ້ຽມຢາມ, ແລກປ່ຽນຮ່ວມມືດ້ານວິຊາສະເພາະກັບໂຮງໝໍເສນາຮັກ 175 (ກະຊວງປ້ອງກັນປະເທດຫວຽດນາມ).
ສອງຝ່າຍໄດ້ພ້ອມກັນຕີລາຄາກ່ຽວກັບການເຄື່ອນໄຫວຮ່ວມມືດ້ານວິຊາສະເພາະໃນໄລຍະນັບແຕ່ປີ 2015. ໂດຍລະອຽດ, ບັນດາຮາກຖານການແພດແຖວໜ້າຂອງນະຄອນ Leipzig (ເຢຍລະມັນ) ໄດ້ມີການເຄື່ອນໄຫວຮ່ວມມື, ຖ່າຍຖອດເຕັກນິກດ້ານການແພດສາດໃໝ່, ຝຶກອົບຮົມກ່ຽວກັບບັນດາຂະແໜງສະເພາະຟິຊິກປິ່ນປົວພະຍາດ-ຟື້ນຟູອະໄວຍະວະ, ຜ່າຕັດດັດແປງ ແລະຕົບແຕ່ງ, ມະເຮັງຢູ່ໂຮງໝໍເສນາຮັກ 175; ພະນັກງານ, ແພດໝໍຈໍານວນໜຶ່ງຂອງໂຮງໝໍເສນາຮັກ 175 ໄດ້ເຂົ້າຮ່ວມບັນດາຊຸດຝຶກອົບຮົມໄລຍະສັ້ນຢູ່ນະຄອນ Leipzig.
|
|
ສອງຝ່າຍແລກປ່ຽນບົດບັນທຶກຊ່ວຍຈໍາການຮ່ວມມື. ພາບ: ບ໊າວມິງ. |
ຄະນະແພດໝໍ, ນັກຊ່ຽວຊານການແພດນະຄອນ Leipzig ໄດ້ຊອກຮູ້, ຢ້ຽມຊົມບັນດາໂຄງການ, ພື້ນຖານໂຄງລ່າງຂອງໂຮງໝໍເສນາຮັກ 175 ແລະສະແດງຄວາມປາດຖະໜາຢາກພ້ອມກັບໂຮງໝໍເສນາຮັກ 175 ຍູ້ແຮງການຮ່ວມມືໃນຫຼາຍດ້ານ, ລົງເລິກຂະແໜງ, ໂດຍສະເພາະຍູ້ແຮງການຖ່າຍຖອດເຕັກນິກດ້ານແພດສາດ, ບໍາລຸງສ້າງແພດໝໍ, ອັບເດັດບັນດາຄວາມຮູ້ໃໝ່, ແລກປ່ຽນດ້ານວິຊາການ, ວິຊາສະເພາະ.
ໂດຍ: ທູຈາງ