ຫວຽດນາມ ສົ່ງອອກຢາງພາລາເພີ່ມຂື້ນເກືອບ 10%
ຕາມຂ່າວຕ່າງປະເທດ, ສະມາຄົມຢາງພາລາຫວຽດນາມ ສາມາດສົ່ງອອກຢາງພາລາ ລະຫວ່າງເດືອນມັງກອນ-ເດືອນກັນຍາປີນີ້ ຫລາຍກວ່າ 1 ລ້ານໂຕນກວມເອົາມູນຄ່າ 1,4 ຕື້ກວ່າລ້ານໂດລາສະຫະລັດ.
ສຳລັບປະລິມານເພີ່ມຂື້ນ 9,1%, ແຕ່ມູນຄ່າຫຼຸດລົງ 11,4% ທຽບກັບໄລຍະດຽວກັນຂອງປີກາຍນີ້. ຈີນ ຍັງເປັນຕະຫຼາດສົ່ງອອກຢາງພາລາໃຫຍ່ທີ່ສຸດຂອງຫວຽດນາມ ໃນໄລຍະ 9 ເດືອນທຳອິດຂອງປີນີ້, ຕາມມາດ້ວຍອິນເດຍ ແລະມາເລເຊຍ. ໃນໄລຍະເວລາດັ່ງກ່າວ ຫວຽດນາມ ນຳເຂົ້າຢາງພາລາຈຳນວນ 436.000 ໂຕນກວມເອົາມູນຄ່າ 803 ລ້ານໂດລາສະຫະລັດເພີ່ມຂື້ນ 11% ຂອງຈຳນວນປະລິມານແຕ່ມູນຄ່າຫຼຸດລົງ 1,3% .
ຂ່າວ: ຂປລ