ເສດຖະກິດຫວຽດນາມຂະຫຍາຍຕົວຢ່າງວ່ອງໄວ
ຕາມຂ່າວສານຫວຽດນາມ, ວັນທີ 12 ກັນຍາ, ໃນຂອບກອງປະຊຸມເວທີປາໄສເສດຖະກິດໂລກກ່ຽວກັບອາຊຽນ (WEF ASEAN) 2018, ຈັດຂຶ້ນຢູ່ນະຄອນຫລວງ ຮ່າໂນ້ຍ(ຫວຽດນາມ), ກຸ່ມບໍລິສັດທ່ີປຶກສາດ້ານຍຸດທະສາດທຸລະກິດສາກົນ Mckinsey ປະກາດບົດລາຍງານ “ຜົນງານດີເດັ່ນ: ບັນດາພຶ້ນຖານເສດຖະກິດເກີດໃໝ່ກັບກຳລັງການຂະຫຍາຍຕົວສູງ ແລະບັນດາວິສາຫະກິດໜູນຫລັງ.
ໃນຈຳນວນ 71 ພື້ນຖານເສດຖະກິດໄດ້ມີການວິເຄາະຈາກບົດລາຍງານ, 18 ພື້ນຖານເສດຖະກິດໄດ້ຖືກຕີລາຄາແມ່ນບັນລຸໝາກຜົນໂດດເດັ່ນ. ຕາມນັ້ນ, 7 ພື້ນຖານເສດຖະກິດ, ລວມຍອດຜະລິດຕະພັນ (GDP) ໄດ້ຂະຫຍາຍຕົວສະເລ່ຍຕໍ່ຫົວຄົນຫລາຍກວ່າ 3,5% ໃນຮອບ 50 ປີ ແລະ 11 ພື້ນຖານເສດຖະກິດມີລະດັບການຂະຫຍາຍຕົວວ່ອງໄວທ່ີສຸດໃນໄລຍະສັ້ນໂດຍບັນລຸລະດັບ 5% ຕໍ່ປີໃນໄລຍະ 20 ປີຜ່ານມາເຊັ່ນ: ອາແຊກໄບຊານ, ເບລາຣຸດຊີ, ກຳປູເຈຍ, ອິນເດຍ, ສປປ ລາວ, ມຽນມາ, ຫວຽດນາມ ແລະອື່ນໆ. ທ່ານນາງ ອານູມາກາຄາ ຮອງຜູ້ອຳນວຍການທ່ີປຶກສາຍຸດທະສາດທຸລະກິດສາກົນ ກ່າວວ່າ ພື້ນຖານ ເສດຖະກິດເກີດໃໝ່ກວມເອົາປະມານ 2/3 ຂອງການເຕີບໃຫຍ່ GDP ໃນໂລກ ແລະຫລາຍກວ່າເຄິ່ງໜ່ຶງຂອງລະດັບການບໍລິໂພກໃໝ່ໃນໄລຍະ 15 ປີຜ່ານມາ. ເຖິງແມ່ນວ່າຜົນງານເສດຖະກິດຂອງແຕ່ລະປະເທດໃນກຸ່ມດັ່ງກ່າວໄດ້ມີພື້ນຖານແຕກຕ່າງກັນດ້ວຍຫລາຍຮູບແບບ. ໂດຍສະເພາະຫວຽດນາມ ໄດ້ມີການປ່ຽນແປງໃໝ່ດ້ານເຕັກໂນໂລຊີເຮັດໃຫ້ກຳລັງການຜະລິດມີການປັບປຸງຂຶ້ນ, ເພີ່ມຄວາມແກ້ງແຍ້ງ ແລະອື່ນໆ. ສະນັ້ນຫວຽດນາມ ຄວນນຳໃຊ້ທ່າແຮງດັ່ງກ່າວ ເພື່ອປະຕິວັດອຸດສາຫະກຳຍຸກທີ 4.
ເນື້ອໃນ: ຂປລ