ລະດັບເຕີບໂຕ GDP ຂອງຫວຽດນາມໃນປີ 2018 ສາມາດບັນລຸໄດ້ 6,83%
ກປ.ອອນໄລ - ໃນວັນທີ 8 ສິງຫາ, ຢູ່ ຮ່າໂນ້ຍ, ສູນສື່ສານ ແລະຄາດຄະເນດ້ານເສດຖະກິດ - ສັງຄົມແຫ່ງຊາດ (ກະຊວງແຜນການ ແລະການລົງທຶນຫວຽດນາມ) ໄດ້ຈັດຕັ້ງການໂອ້ລົມສົນທະນາດ້ວຍຫົວຂໍ້ “ຄາດຄະເນດ້ານເສດຖະກິດຫວຽດນາມໃນ 6 ເດືອນທ້າຍປີ 2018 ແລະຜົນກະທົບຈາກຄວາມເຄັ່ງຕຶງດ້ານການຄ້າລະຫວ່າງ ອາເມລິກາ - ຈີນ”.
|
|
ການໂອ້ລົມສົນທະນາຄາດຄະເນດ້ານເສດຖະກິດຫວຽດນາມໃນ 6 ເດືອນທ້າຍປີ 2018 ແລະ ຜົນກະທົບຈາກຄວາມເຄັ່ງຕຶງດ້ານການຄ້າລະຫວ່າງ ອາເມລິກາ - ຈີນ. ພາບ: vietnambiz.vn. |
ຕາມຂໍ້ມູນຂ່າວສານທີ່ການໂອ້ລົມສົມທະນາແລ້ວ, ໃນໄຕມາດທີ I - 2018, ຫວຽດນາມ ບັນລຸໄດ້ລະດັບເຕີບໂຕ GDP ສູງທີ່ສຸດໃນ 10 ປີມານີ້ແມ່ນ 7,45%. ເຖິງຢ່າງໃດກໍ່ຕາມຮອດໄຕມາດທີ II, ການເຕີບໂຕພັດຢຸດໄວ້ໃນລະດັບ 6,79%. ບັນດານັກຊ່ຽວຊານ ໄດ້ຄາດຄະເນລະດັບເຕີບໂຕ GDP ໃນປີ 2018 ບັນລຸໄດ້ 6,83%, ປະຕິບັດສຳເລັດຄາດໝາຍທີ່ລັດຖະບານໄດ້ວາງອອກແມ່ນ 6,7%. ໃນນັ້ນ, ລະດັບເຕີບໂຕໃນໄຕມາດທີ III ບັນລຸ 6,72% ແລະລະດັບເຕີບໂຕໃນໄຕມາດທີ IV ບັນລຸ 6,56%. ຄາດຄະເນໄພເງິນເຟີ້ສະເລ່ຍໃນປີ 2018 ແມ່ນ 4-4,2%.
ໂດຍ: ທູຮັ່ງ