ທ່ານໝໍຫວຽດນາມ ຄົນທໍາອິດໄດ້ຮັບລາງວັນ Nikkei ອາຊີ
ກປ.ອອນໄລ - ໃນວັນທີ 13 ມິຖຸນາ, ທ່ານ ສຈ. ຫງວຽນແທງລຽມ, ຫົວໜ້າສະຖາບັນຄົ້ນຄວ້າຈຸລັງເຄົ້າ ແລະເຕັກໂນໂລຢີ gene Vinmec ໄດ້ຮັບລາງວັນ Nikkei ອາຊີ (Nikkei Asia Prize) ຄັ້ງທີ 23 ໃນຂົງເຂດວິທະຍາສາດເຕັກນິກ, ພິທີມອບຮັບລາງວັນ ເຊິ່ງໄດ້ຈັດຂຶ້ນຢູ່ນະຄອນຫຼວງ ໂຕກຽວ, ຍີ່ປຸ່ນ.
ດ້ວຍການຮັບຮູ້ນີ້, ທ່ານ ສຈ. ຫງວຽນແທງລຽມ ໄດ້ກາຍເປັນທ່ານໝໍຄົນທໍາອິດຂອງຫວຽດນາມ ໄດ້ຮັບການເຊີດຊູໃນຂົງເຂດດັ່ງກ່າວໃນ 23 ປີນັບແຕ່ເມື່ອມີລາງວັນ Nikkei ອາຊີ.
    |
 |
|
ທ່ານ ສຈ. ຫງວຽນແທງລຽມ ຮັບລາງວັນ Nikkei ອາຊີ ຢູ່ນະຄອນຫຼວງ ໂຕກຽວ, ຍີ່ປຸ່ນ. ພາບ: baodatviet.vn. |
ລາງວັນ Nikkei ອາຊີ ເຊີດຊູບັນດາຄົນທີ່ມີຜົນງານດີເດັ່ນໃນ 3 ຂົງເຂດແມ່ນເສດຖະກິດ, ວິທະຍາສາດ ແລະວັດທະນະທໍາ. ທ່ານ ສຈ. ຫງວຽນແທງລຽມ ໄດ້ມີບັນດາການປະກອບສ່ວນຢ່າງຍິ່ງໃຫຍ່ ແລະມີຫົວຄິດປະດິດສ້າງໃນການຜ່າຕັດສ່ອງກ້ອງໃຫ້ເດັກນ້ອຍກໍ່ຄືນໍາໃຊ້ບັນດາເຕັກນິກ, ເຕັກໂນໂລຢີທີ່ກ້າວໜ້າເຂົ້າໃນວິທີການປິ່ນປົວໃຫ້ເດັກນ້ອຍຢູ່ຫວຽດນາມ. ທ່ານ ສຈ. ຫງວຽນແທງລຽມ ໄດ້ປະດິດ 9 ເຕັກນິກໃໝ່, ພັດທະນາ ແລະໝູນໃຊ້ສໍາເລັດບັນດາເຕັກນິກນີ້ເຂົ້າໃນການຜ່າຕັດສ່ອງກ້ອງໃຫ້ເດັກນ້ອຍ. ທ່ານ ສຈ. ຫງວຽນແທງລຽມ ກໍ່ຕັ້ງໜ້າເຂົ້າຮ່ວມການສອນວິທີຜ່າຕັດສ່ອງກ້ອງໃຫ້ເດັກນ້ອຍຢູ່ພາຍໃນປະເທດ, ກໍ່ຄືຢູ່ຫຼາຍປະເທດໃນໂລກຄື: ມຽນມາ, ອິນເດຍ, ອີຕາລີ ແລະໂຮນລັງ.
ແປໂດຍ: ເກື່ອງດັ້ງ