ໄຂງານປະກວດການສະແດງທີມໂຄສະນາວັດທະນະທຳທີ່ດີເດັ່ນເສັ້ນຊາຍແດນ, ທະເລ ແລະໝູ່ເກາະ
ກປ.ອອນໄລ - ວັນທີ 27 ພະຈິກ, ງານປະກວດການສະແດງທີມໂຄສະນາວັດທະນະທຳທີ່ດີເດັ່ນເສັ້ນຊາຍແດນ, ທະເລ ແລະໝູ່ເກາະປີ 2018 ໄດ້ໄຂຂຶ້ນຢູ່ຮ່າໂນ້ຍ.
ງານປະກວດດັ່ງກ່າວໂດຍກະຊວງວັດທະນະທຳ, ກິລາ ແລະທ່ອງທ່ຽວຫວຽດນາມ ສົມທົບກັບກອງບັນຊາການທະຫານຊາຍແດນ ຈັດຕັ້ງດ້ວຍຫົວຂໍ້ “60 ປີແຫ່ງທຳນອງຊາຍແດນ”. ເຂົ້າຮ່ວມມີທ່ານພົນຕີ ຮ່ວາງວັນຈ໊ຽນ, ຜູ້ບັນຊາການທະຫານຊາຍແດນ.
|
|
ລາຍການເຂົ້າຮ່ວມງານປະກວດ. ພາບ: ຮູຍອານ. |
ງານປະກວດມີການເຂົ້າຮ່ວມຂອງພະນັກງານ, ນັກສະແດງຂອງ 20 ທີມໂຄສະນາວັດທະນະທຳທີ່ດີເດັ່ນໃນກອງບັນຊາການທະຫານຊາຍແດນກວ່າ 500 ຄົນ. ບັນດາລາຍການໄດ້ສຸມໃສ່ໂຄສະນາແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ; ຍ້ອງຍໍຊົມເຊີຍພັກ, ລຸງໂຮ່, ຄວາມຮັກບ້ານເກີດເມືອງນອນ, ຄວາມສາມັກຄີສະໜິດຕິດພັນລະຫວ່າງກອງທັບ-ປະຊາຊົນຢູ່ເຂດຊາຍແດນ; ໝາກຜົນການພັດທະນາເສດຖະກິດ - ສັງຄົມຢູ່ເຂດຊາຍແດນ, ທະເລ ແລະໝູ່ເກາະ; ຍ້ອງຍໍທາດແທ້, ມູນເຊື້ອອັນດີງາມຂອງກອງບັນຊາການທະຫານຊາຍແດນ; ສ້າງເສັ້ນຊາຍແດນໃຫ້ມີສັນຕິພາບ, ມິດຕະພາບ, ການຮ່ວມມື ແລະພັດທະນາ.
ໂດຍ: ທູຮັ່ງ