ແລກປ່ຽນວິຊາສະເພາະກ່ຽວກັບຂໍ້ລິເລີ່ມປ້ອງກັນ ແລະຕ້ານການໃຊ້ຄວາມຮຸນແຮງທາງເພດສຳພັນ
ກປ.ອອນໄລ - ຕອນເຊ້ົາວັນທີ 18 ມີນາ, ຢູ່ຮ່າໂນ້ຍ, ກົມຮັກສາສັນຕິພາບ, ກະຊວງປ້ອງກັນປະເທດຫວຽດນາມ ສົມທົບກັບຫ້ອງການທີ່ປຶກສາທູດປ້ອງກັນຊາດອັງກິດ ປະຈໍາ ຮ່າໂນ້ຍ ຈັດຕັ້ງພິທີໄຂການແລກປ່ຽນວິຊາສະເພາະກ່ຽວກັບຂໍ້ລິເລີ່ມປ້ອງກັນ ແລະຕ້ານການໃຊ້ຄວາມຮຸນແຮງທາງເພດສຳພັນລະຫວ່າງ ຫວຽດນາມ-ອັງກິດ.
ການແລກປ່ຽນວິຊາສະເພາະເພື່ອແນໃສ່ປະກອບຄວາມຮູ້, ແບ່ງປັນບົດຮຽນໃຫ້ກອງຊ່າງແສງຮັກສາສັນຕິພາບຫວຽດນາມ ກ່ຽວກັບການປ້ອງກັນ ແລະຕ້ານການໃຊ້ຄວາມຮຸນແຮງທາງເພດສຳພັນ, ເຊິ່ງແມ່ນເນື້ອໃນສໍາຄັນໃນການເຄື່ອນໄຫວຮັກສາສັນຕິພາບສະຫະປະຊາຊາດ, ປະກອບສ່ວນເຂົ້າໃນເປ້ົາໝາຍຜັນຂະຫຍາຍກອງຊ່າງແສງເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດໃນປີ 2020 ສຳເລັດຜົນ.
|
|
ບັນດາຜູ້ແທນຖ່າຍຮູບເປັນທີ່ລະນຶກທີ່ພິທີໄຂ. ພາບ: ໝີແຮ້ງ. |
ການເຄື່ອນໄຫວແລກປ່ຽນວິຊາສະເພາະສຸມໃສ່ບັນດາເນື້ອໃນ ຄື: ຍົກສູງຄວາມຮູ້, ຄວາມເຂົ້າໃຈກ່ຽວກັບບັນດາຫຼັກການພື້ນຖານຂອງກົດໝາຍວ່າດ້ວຍມະນຸດສະທຳສາກົນ, ພິເສດແມ່ນກ່ຽວຂ້ອງເຖິງການປ້ອງກັນ ແລະຕ້ານການໃຊ້ຄວາມຮຸນແຮງທາງເພດສຳພັນ ແລະທາງເພດໃຫ້ແກ່ປະຊາຊົນ; ເຜີຍແຜ່ວິທີສະກັດກັ້ນສະພາບລັງກຽດ, ຈໍາແນກການປະພຶດຕໍ່ຜູ້ຖືກທາລຸນ, ວິທີໜູນຊ່ວຍຜູ້ປະສົບເຄາະຮ້າຍເຊື່ອມຕົວເຂົ້າກັບສັງຄົມ; ຍົກສູງຄວາມຮູ້, ຄວາມເຂົ້າໃຈກ່ຽວກັບກົດໝາຍສາກົນທີ່ກ່ຽວຂ້ອງເຖິງສິດຂອງມະນຸດ, ມະຕິຂອງສະພາຄວາມໝັ້ນຄົງສະຫະປະຊາຊາດ ແລະຄໍາແນະນໍາສາກົນກ່ຽວກັບການປົກປ້ອງປະຊາຊົນ, ສຸມໃສ່ເຂົ້າເປົ້າໝາຍແມ່ນແມ່ຍິງ, ເດັກນ້ອຍ.
ໂດຍ: ທູຈາງ