ຄະນະນາຍທະຫານໜຸ່ມອິນເດຍ ຢ້ຽມຢາມ, ພົບປະແລກປ່ຽນທີ່ກອງພົນທີ 9
ກປ.ອອນໄລ - ໃນຂອບເຂດການຢ້ຽມຢາມ, ພົບປະແລກປ່ຽນກັບນາຍທະຫານໜຸ່ມກອງທັບປະຊາຊົນຫວຽດນາມ, ວັນທີ 8 ມີນາ, ຄະນະນາຍທະຫານໜຸຸ່ມອິນເດຍ ໂດຍທ່ານຮ້ອຍເອກ Mukesh Kurmar ເປັນຫົວໜ້າຄະນະ ໄດ້ລົງຢ້ຽມຢາມ, ພົບປະແລກປ່ຽນກັບພະນັກງານ, ນາຍທະຫານກອງພົນທີ 9 (ກອງພົນໃຫຍ່ 4).
ທ່ານພັນເອກພິເສດ ເລແອງຕ໋ວນ, ຫົວໜ້າການທະຫານກອງພົນທີ 9 ໄດ້ສະແດງຄວາມປິຕິຊົມຊື່ນທີ່ໄດ້ຕ້ອນຮັບຄະນະນາຍທະຫານໜຸ່ມອິນເດຍ ມາຢ້ຽມຢາມ, ພົບປະແລກປ່ຽນ; ພ້ອມທັງກ່າວໂດຍຫຍໍ້ກ່ຽວກັບປະຫວັດແຫ່ງການພົວພັນອັນດີງາມລະຫວ່າງສອງປະເທດ ແລະມູນເຊື້ອແຫ່ງການສ້າງສາ, ສູ້ຮົບ ແລະເຕີບໃຫຍ່ຂະຫຍາຍຕົວຂອງກອງພົນທີ 9.
    |
 |
|
ຜູ້ຕາງໜ້າກອງພົນທີ 9 ມອບດອກໄມ້ໃຫ້ບັນດານາຍທະຫານໜຸ່ມອິນເດຍ. ພາບ: qdnd.vn. |
|
|
 |
|
ນາຍທະຫານໜຸ່ມອິນເດຍ ຢ້ຽມຊົມຄ້າຍທະຫານຂອງກອງພົນທີ 9. ພາບ: qdnd.vn. |
ທີ່ການຕ້ອນຮັບ, ຮ້ອຍເອກ Mukesh Kurmar ຫົວໜ້າຄະນະນາຍທະຫານໜຸ່ມອິນເດຍ ສະແດງຄວາມເຄົາລົບນັບຖືຕໍ່ບັນດາວິລະກໍາຂອງກອງພົນທີ 9 ໃນສະໄໝຕໍ່ສູ້ຕ້ານຈັກກະພັດອາເມລິກາ, ກູ້ຊາດ ແລະຂອບໃຈຕໍ່ການຕ້ອນຮັບອັນອົບອຸ່ນ, ຈິງໃຈຂອງພະນັກງານ, ນັກຮົບກອງພົນທີ 9.
|
|
 |
|
ນາຍທະຫານໜຸ່ມອິນເດຍ ຢ້ຽມຢາມຫໍພັກຂອງນັກຮົບກອງພົນທີ 9. ພາບ: qdnd.vn |
|
|
 |
|
ຜູ້ຕາງໜ້ານາຍທະຫານໜຸ່ມອິນເດຍ ຂຽນໃສ່ປື້ມມູນເຊື້ອຂອງກອງພົນທີ 9. ພາບ: qdnd.vn |
ໃນໄລຍະຈະມາເຖິງ, ຄະນະຈະຕັ້ງໜ້າໂຄສະນາເຜີຍແຜ່ກ່ຽວກັບມູນເຊື້ອກອງທັບປະຊາຊົນຫວຽດນາມໃຫ້ແກ່ນາຍທະຫານໜຸ່ມອິນເດຍ, ພ້ອມທັງເປັນເສນາທິການເພື່ອໃຫ້ອົງການທີ່ກ່ຽວຂ້ອງ, ກະຊວງປ້ອງກັນປະເທດອິນເດຍ ເພີ່ມທະວີການຮ່ວມມື, ພົບປະແລກປ່ຽນນາຍທະຫານໜຸ່ມຂອງກອງທັບສອງປະເທດ, ປະກອບສ່ວນສືບຕໍ່ຊຸກຍູ້ການພົວພັນອັນດີງາມລະຫວ່າງສອງກອງທັບ ແລະສອງລັດຫວຽດນາມ - ອິນເດຍ ກວ່າອີກ.
ໂດຍ: ໄຊຊະນະ