ທະຫານຊາຍແດນແຂວງເງະອານ ລົງກວດກາວຽກງານກຽມພ້ອມສູ້ຮົບຢູ່ຄ້າຍທະຫານຊາຍແດນ ຫວຽດນາມ-ລາວ
ກປ.ອອນໄລ - ໃນວັນທີ 29-30 ມັງກອນ, ຄະນະປະຕິບັດງານຂອງກອງບັນຊາການທະຫານຊາຍແດນແຂວງເງະອານ ໂດຍທ່ານພັນເອກ ຮວ່າງງອັກລີງ - ຮອງຫົວໜ້າກອງບັນຊາການທະຫານຊາຍແດນແຂວງເງະອານ ນໍາໜ້າ ໄດ້ລົງກວດກາວຽກງານກຽມພ້ອມສູ້ຮົບ, ຮັບປະກັນຄວາມໝັ້ນຄົງຢູ່ເຂດຊາຍແດນຂອງຄ້າຍທະຫາຍຊາຍແດນ ໝີລີ໊.
ນະທີ່ນີ້, ຄະນະປະຕິບັດງານໄດ້ກວດກາ, ຢ້ຽມຢາມຖາມຂ່າວ, ລະດົມກໍາລັງໃຈພະນັກງານ, ນັກຮົບປະຕິບັດໜ້າທີ່ປົກປັກຮັກສາຊາຍແດນ ຂຶ້ນກັບທະຫານຊາຍແດນແຂວງເງະອານ ແລະກໍາລັງທະຫານຊາຍແດນຂຶ້ນກັບກອງຮ້ອຍ 217, ກອງບັນຊາການທະຫານແຂວງຫົວພັນ, ປະເທດລາວ.
|
|
ທ່ານພັນເອກ ຮວ່າງງອັກລີງ ຮອງຫົວໜ້າກອງບັນຊາການທະຫານຊາຍແດນແຂວງເງະອານ ມອບຂອງຂວັນໃຫ້ແກ່ພະນັກງານ, ນັກຮົບຄ້າຍທະຫານຊາຍແດນ. ພາບ: baonghean.vn |
ເຖິງວ່າຕັ້ງທັບຢູ່ເຂດຫ່າງໄກສອກຫຼີກກໍ່ຕາມ, ແຕ່ພະນັກງານ, ນັກຮົບຂອງຄ້າຍທະຫານ ຍາມໃດກໍ່ປະຕິບັດສໍາເລັດໜ້າທີ່ເປັນຢ່າງດີ, ປົກປັກຮັກສາອໍານາດອະທິປະໄຕອັນສັກກາລະບູຊາຂອງປະເທດຊາດ.
ກອງບັນຊາການທະຫານຊາຍແດນແຂວງເງະອານ ໄດ້ມອບຂອງຂວັນດ້ວຍມູນຄ່າ 11 ລ້ານດ່ົງໃຫ້ແກ່ພະນັກງານ, ນັກຮົບ ແລະປະຊາຊົນສອງເຂດຕິດກັບຊາຍແດນຫວຽດນາມ-ລາວ. ເນື່ອງໃນໂອກາດນີ້, ຄະນະປະຕິບັດງານກໍໄດ້ມອບຂອງຂວັນບຸນເຕັດຈໍານວນ 114 ພູດ ດ້ວຍມູນຄ່າ 57 ລ້ານດົ່ງໃຫ້ແກ່ປະຊາຊົນເມືອງກີ່ເຊີນ ແລະເມືອງເຕືອງເຢືອງ.
ໂດຍ: ທູຈາງ