ຊຸກຍູ້ການຮ່ວມມືດ້ານປ້ອງກັນຊາດລະຫວ່າງຫວຽດນາມ ແລະລາວ
ກປ.ອອນໄລ - ຕອນບ່າຍວັນທີ 18 ກັນຍາ, ພິທີຕ້ອນຮັບທ່ານພົນໂທ ເລືອງເກື່ອງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ແລະຄະນະພະນັກງານການເມືອງຂັ້ນສູງກອງທັບປະຊາຊົນຫວຽດນາມ ໄດ້ດໍາເນີນຢູ່ສໍານັກງານກະຊວງປ້ອງກັນປະເທດລາວ. ພາຍຫຼັງພິທີຕ້ອນຮັບ, ທ່ານພົນໂທ ເລືອງເກື່ອງ ແລະທ່ານພົນໂທ ວິໄລ ຫຼ້າຄໍາຟອງ ໄດ້ດໍາເນີນການພົບປະເຈລະຈາ.
    |
 |
|
ທ່ານພົນໂທ ເລືອງເກື່ອງ ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ (ຜູ້ຢູ່ກາງ) ທີ່ການພົບປະເຈລະຈາ, ໃນຕອນບ່າຍວັນທີ 18 ກັນຍາ. ພາບ: nhandan.com.vn. |
ທີ່ການພົບປະເຈລະຈາ, ສອງຝ່າຍເຫັນດີເປັນເອກະພາບ, ບົນພື້ນຖານສືບຕໍ່ຜັນຂະຫຍາຍບັນດາເນື້ອໃນໃນອະນຸສັນຍາ ແລະແຜນການຮ່ວມມື, ໃນໄລຍະຈະມາເຖິິງ, ການຮ່ວມມືລະຫວ່າງສອງກົມໃຫຍ່ການເມືອງຈະເອົາໃຈໃສ່ເປັນພິເສດເຖິງການຮັກສາການນໍາພາຢ່າງເດັດຂາດ, ໂດຍກົງໃນທຸກດ້ານຂອງສອງພັກສໍາລັບສອງກອງທັບ; ປະກອບສ່ວນປັບປຸງ ແລະຮັດແໜ້ນຄວາມໄວ້ເນື້ອເຊື່ອໃຈ, ການຮ່ວມມືຮອບດ້ານລະຫວ່າງສອງພັກ, ສອງລັດ, ປະຊາຊົນ ແລະກອງທັບສອງປະເທດຢ່າງມີປະສິດທິຜົນກວ່າອີກ; ຮັກສາສະພາບແວດລ້ອມສັນຕິພາບ, ສະຖຽນລະພາບເພື່ອພັດທະນາຢູ່ແຕ່ລະປະເທດ; ເຮັດໃຫ້ທຸກກົນອຸບາຍ, ມ້າງເພທໍາລາຍ, ແບ່ງແຍກສາຍພົວພັນມິດຕະພາບທີ່ເປັນມູນເຊື້ອ ຫວຽດນາມ-ລາວ, ລາວ-ຫວຽດນາມ ຖືກປະລາໄຊ...
|
|
 |
|
ບັນຍາກາດທີ່ການພົບປະເຈລະຈາ. ພາບ: ກວນຖຸຍ. |
ເພື່ອປະຕິບັດບັນດາໜ້າທີ່ດັ່ງກ່າວເປັນຢ່າງດີ, ສອງຝ່າຍຄວນເພີ່ມທະວີການຮ່ວມມືໃນຂົງເຂດວຽກງານພັກ, ວຽກງານການເມືອງ; ຍູ້ແຮງການໂຄສະນາ, ການສຶກສາພະນັກງານ, ນັກຮົບກອງທັບສອງປະເທດກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ນໍ້າໃຈສາມັກຄີແບບພິເສດ ແລະການຮ່ວມມືຮອບດ້ານລະຫວ່າງປະຊາຊົນ ແລະກອງທັບສອງປະເທດເນື່ອງໃນໂອກາດບັນດາເຫດການໃຫຍ່ຂອງສອງປະເທດ, ສອງກອງທັບ; ເພີ່ມທະວີການຮ່ວມມືຍົກສູງຄຸນນະພາບບໍາລຸງສ້າງພະນັກງານຂັ້ນຕ່າງໆລະຫວ່າງກອງທັບສອງປະເທດ; ສືບຕໍ່ຮັກສາການແລກປ່ຽນຄະນະປະຕິບັດງານ, ການພົບປະແລກປ່ຽນນາຍທະຫານໜຸ່ມ...
ໂດຍ: ຄຳແພງ