ທ່ານເລຂາທິການໃຫຍ່, ປະທານປະເທດລາວ ບຸນຍັງ ວໍລະຈິດ ຕ້ອນຮັບທ່ານພົນໂທ ເລືອງເກື່ອງ
ກປ.ອອນໄລ - ໂດຍໄດ້ຮັບຄໍາເຊີນຂອງທ່ານພົນໂທ ວິໄລ ຫຼ້າຄໍາຟອງ, ເລຂາທິການສູນກາງພັກປະຊາຊົນ ປະຕິວັດລາວ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນລາວ, ຄະນະພະນັກງານການເມືອງຂັ້ນສູງກອງທັບປະຊາຊົນຫວຽດນາມ ໂດຍທ່ານພົນໂທ ເລືອງເກື່ອງ, ເລຂາທິການສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ນຳໜ້າ, ໄປຢ້ຽມຢາມ ສປປ ລາວ ຢ່າງເປັນທາງການແຕ່ວັນທີ 18-20 ກັນຍາ.
    |
 |
|
ພິທີຕ້ອນຮັບທ່ານພົນໂທ ເລືອງເກື່ອງ ແລະຄະນະພະນັກງານການເມືອງຂັ້ນສູງກອງທັບປະຊາຊົນຫວຽດນາມ. ພາບ: ກວນຖຸຍ. |
ຕອນບ່າຍວັນທີ 18 ກັນຍາ, ທ່ານພົນໂທ ເລືອງເກື່ອງ ແລະຄະນະພະນັກງານໄດ້ເຂົ້າຢ້ຽມຂໍ່ານັບທ່ານ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດ ສປປ ລາວ ແລະທ່ານພົນໂທ ຈັນສະໝອນ ຈັນຍາລາດ, ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດລາວ.
|
|
 |
|
ທ່ານ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດລາວ ຕ້ອນຮັບທ່ານພົນໂທ ເລືອງເກື່ອງ. ພາບ: ກວນຖຸຍ. |
ທີ່ການຕ້ອນຮັບ, ທ່ານ ບຸນຍັງ ວໍລະຈິດ ແລະທ່ານພົນໂທ ຈັນສະໝອນ ຈັນຍາລາດ ຖືວ່າການຢ້ຽມຢາມຈະປະກອບສ່ວນປັບປຸງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ, ເພື່ອຜົນປະໂຫຍດຂອງປະຊາຊົນສອງປະເທດ; ປະກອບສ່ວນຊຸກຍູ້ການພົວພັນດ້ານປ້ອງກັນຊາດເວົ້າລວມ ແລະການຮ່ວມມືລະຫວ່າງສອງກົມໃຫຍ່ການເມືອງຂອງກອງທັບສອງປະເທດ ເວົ້າສະເພາະ.
|
|
 |
|
ທ່ານພົນໂທ ຈັນສະໝອນ ຈັນຍາລາດ ຕ້ອນຮັບທ່ານພົນໂທ ເລືອງເກື່ອງ. ພາບ: ກວນຖຸຍ. |
|
|
 |
|
ທ່ານພົນໂທ ຈັນສະໝອນ ຈັນຍາລາດ ແລະທ່ານພົນໂທ ເລືອງເກື່ອງ. ພາບ: ກວນຖຸຍ. |
ສ່ວນທ່ານພົນໂທ ເລືອງເກື່ອງ ຢືນຢັນວ່າ, ໃນໄລຍະຈະມາເຖິງ, ກົມໃຫຍ່ການເມືອງກອງທັບປະຊາຊົນຫວຽດນາມ ຈະສືບຕໍ່ຮ່ວມມືກັບກົມໃຫຍ່ການເມືອງກອງທັບປະຊາຊົນລາວ ຢ່າງແໜ້ນແຟ້ນ ແລະມີປະສິດທິຜົນ, ປະກອບສ່ວນປັບປຸງດ້ານແນວຄິດການເມືອງຂອງພັກໃນກອງທັບ, ຊຸກຍູ້ການພົວພັນດ້ານປ້ອງກັນຊາດ ແລະເພີ່ມພູນຄູນສ້າງສາຍພົວພັນລວມລະຫວ່າງສອງປະເທດ, ສອງກອງທັບ.
ໂດຍ: ເຈິ່ນຮວ່ຽນ