ທ່ານພົນຕີ ຮວ່າງຊວນຈ໋ຽນ ຢ້ຽມຢາມ ແລະເຮັດວຽກຢູ່ ລາວ
ກປ.ອອນໄລ - ໃນວັນທີ 11 ກັນຍາ, ທ່ານພົນຕີ ຮວ່າງຊວນຈ໋ຽນ, ກໍາມະການສູນກາງພັກ, ກໍາມະການຄະນະພັກການທະຫານສູນກາງ, ຜູ້ບັນຊາການທະຫານຊາຍແດນ ນໍາໜ້າຄະນະປະຕິບັດງານກອງບັນຊາການທະຫານຊາຍແດນ, ກະຊວງປ້ອງກັນປະເທດຫວຽດນາມ ເລີ່ມຕົ້ນການຢ້ຽມຢາມ ແລະເຮັດວຽກກັບກົມໃຫຍ່ປ້ອງກັນຄວາມສະຫງົບ, ກະຊວງປ້ອງກັນຄວາມສະຫງົບລາວ.
ໃນຂອບເຂດການຢ້ຽມຢາມ ແລະເຮັດວຽກຢູ່ລາວ, ກອງບັນຊາການທະຫານຊາຍແດນ ແລະກົມໃຫຍ່ປ້ອງກັນຄວາມສະຫງົບລາວ ຈະດໍາເນີນການແລກປ່ຽນສະພາບການ, ປະເມີນຜົນສອງປີແຫ່ງການປະຕິບັດບົດບັນທຶກຮ່ວມມືລະຫວ່າງສອງຝ່າຍໃນການຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍຢູ່ເສັ້ນຊາຍແດນຫວຽດນາມ-ລາວ ເຊິ່ງລົງນາມໃນວັນທີ 16 ມິຖຸນາ 2018 ຢູ່ແຂວງເທື່ອທຽນເຫວ້, ຫວຽດນາມ.
    |
 |
|
ທ່ານພົນຕີ ຮວ່າງຊວນຈ໋ຽນ, ກໍາມະການສູນກາງພັກ, ກໍາມະການຄະນະພັກການທະຫານສູນກາງ, ຜູ້ບັນຊາການທະຫານຊາຍແດນ. ພາບ: qdnd.vn. |
ນີ້ແມ່ນໂອກາດເພື່ອແນໃສ່ເພີ່ມທະວີນໍ້າໃຈສາມັກຄີ, ມິດຕະພາບລະຫວ່າງກອງບັນຊາການທະຫານຊາຍແດນ ແລະກົມໃຫຍ່ປ້ອງກັນຄວາມສະຫງົບລາວ.
ໃນໄລຍະຜ່ານມາ, ທະຫານຊາຍແດນຫວຽດນາມ ໄດ້ສົມທົບກັນຢ່າງແໜ້ນແຟ້ນກັບກົມໃຫຍ່ປ້ອງກັນຄວາມສະຫງົບຂອງກະຊວງປ້ອງກັນຄວາມສະຫງົບລາວ ໃນວຽກງານຄຸ້ມຄອງ ແລະປົກປັກຮັກສາຊາຍແດນ, ຮັກສາຄວາມສະຫງົບຄວາມເປັນລະບຽບຮຽບຮ້ອຍຢູ່ເຂດຊາຍແດນຂອງສອງປະເທດ, ປະກອບສ່ວນສ້າງເສັ້ນຊາຍແດນຫວຽດນາມ-ລາວ ແຫ່ງສັນຕິພາບ, ມິດຕະພາບ, ຮ່ວມມື ແລະພັດທະນາ.
ໂດຍ: ເກື່ອງດັ້ງ