ກຳປັ່ນທະຫານເຮືອ ສ.ເກົາຫຼີ ຢ້ຽມຢາມນະຄອນດ່າໜັ້ງ
ກປ.ອອນໄລ - ຕອນເຊົ້າວັນທີ 11 ກັນຍາ, ກຳປັ່ນຂັບໄລ່ ROKS Moon Mu The Great ຂອງທະຫານເຮືອ ສ.ເກົາຫຼີ ພ້ອມກັບນາຍທະຫານ ແລະລູກເຮືອ 302 ຄົນ, ໂດຍທ່ານພັນເອກພິເສດ Doh Jin Woo, ຜູ້ບັນຊາການກຸ່ມຝຶກຊ້ອມລາດຕະເວນບົນທະເລເປັນຫົວໜ້າຄະນະໄດ້ເຂົ້າທຽບທ່າກຳປັ່ນ ຕຽນຊາ, ເລີ່ມຕົ້ນການຢ້ຽມຢາມນະຄອນດ່າໜັ້ງໃນລະຫວ່າງວັນທີ 11 – 14 ກັນຍາ.
|
|
ພິທີຕ້ອນຮັບຄະນະທີ່ທ່າກຳປັ່ນ ຕຽນຊາ. ພາບ: qdnd.vn. |
ພິທີຕ້ອນຮັບກຳປັ່ນທີ່ທ່າກຳປັ່ນ ຕຽນຊາ ມີການເຂົ້າຮ່ວມຂອງການນຳ ແລະຜູ້ຕາງໜ້າຂອງສອງຝ່າຍ. ໃນນັ້ນ, ຝ່າຍ ຫວຽດນາມ ມີຜູ້ຕາງໜ້າກອງບັນຊາການເຂດ 3 ທະຫານເຮືອ, ກົມຕ່າງປະເທດ (ກະຊວງປ້ອງກັນປະເທດຫວຽດນາມ), ກອງບັນຊາການທະຫານຊາຍແດນນະຄອນດ່າໜັງ, ກອງບັນຊາການທະຫານນະຄອນດ່າໜັ້ງ ແລະພະແນກພົວພັນຕ່າງປະເທດນະຄອນດ່າໜັງ. ກ່ຽວກັບຝ່າຍ ສ.ເກົາຫຼີ ມີທ່ານ Kim Do-hyun, ເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ; ບັນດາສະມາຊິກປະຊາຄົມຊາວ ສ.ເກົາຫຼີ ປະຈຳ ດ່າໜັງ.
|
|
ການນຳບັນດາອົງການ, ກົມກອງຂອງ ຫວຽດນາມ ແລະກອງບັນຊາການ, ລູກເຮືອກຳປັ່ນຂັບໄລ່ ROKS Moon Mu The Great ຖ່າຍຮູບເປັນທີ່ລະນຶກ. ພາບ: qdnd.vn. |
ຕາມເນື້ອໃນລາຍການຂອງການຢ້ຽມຢາມ, ກຸ່ມບັນຊາກຳປັ່ນ ຈະເຂົ້າຢ້ຽມຂ່ຳນັບການນຳຄະນະກຳມະການປະຊາຊົນນະຄອນດ່າໜັ້ງ, ກອງບັນຊາການທະຫານເຮືອເຂດ 3. ລູກເຮືອກຳປັ່ນທະຫານເຮືອ ສ.ເກົາຫຼີ ຢ້ຽມຢາມບາງທັດສະນີຍະພາບຢູ່ນະຄອນດ່າໜັ້ງ. ກ່ອນທີ່ຈະເດີນທາງອອກຈາກທ່າກຳປັ່ນ ຕຽນຊາ, ກຳປັ່ນຂັບໄລ່ ROKS Moon Mu The Great ຈະຈັດຕັ້ງການຝຶກຊ້ອມລວມກັບກຳປັ່ນທະຫານເຮືອຫວຽດນາມ.
ໂດຍ: ທູຮັ່ງ