ຄະນະນາຍທະຫານໜຸ່ມກອງທັບອິນເດຍ ມາຢ້ຽມຢາມ, ພົບປະແລກປ່ຽນຢູ່ນະຄອນໂຮ່ຈິມິນ
ກປ.ອອນໄລ - ຕອນບ່າຍວັນທີ 6 ກັນຍາ, ທີ່ນະຄອນໂຮ່ຈິມິນ, ຄະນະນາຍທະຫານໜຸ່ມກອງທັບອິນເດຍ ໂດຍທ່ານຮ້ອຍເອກ Ankit Agarwal ເປັນຫົວໜ້າຄະນະໄດ້ມາຢ້ຽມຢາມ ແລະພົບປະແລກປ່ຽນກັບນາຍທະຫານໜຸ່ມກໍາລັງປະກອບອາວຸດນະຄອນໂຮ່ຈິມິນ.
ຕ້ອນຮັບຄະນະມີທ່ານພັນເອກ ຫງວຽນແທງຟອງ, ຮອງຫົວໜ້າການເມືອງກອງບັນຊາການນະຄອນໂຮ່ຈິມິນ. ນີ້ແມ່ນການເຄື່ອນໄຫວນອນໃນຂອບເຂດລາຍການພົບປະແລກປ່ຽນຂອງຄະນະນາຍທະຫານໜຸ່ມກອງທັບອິນເດຍ ຢູ່ຫວຽດນາມ.
|
|
ນາຍທະຫານໜຸ່ມກອງທັບອິນເດຍ ພົບປະແລກປ່ຽນກັບນາຍທະຫານໜຸ່ມກໍາລັງປະກອບອາວຸດນະຄອນໂຮ່ຈິມິນ. ພາບ: ມີງເຟືອງ. |
|
|
ທ່ານພັນເອກ ຫງວຽນແທງຟອງ ມອບຂອງຂວັນທີ່ລະນຶກໃຫ້ທ່ານຮ້ອຍເອກ Ankit Agarwal. ພາບ: ມີງເຟືອງ. |
ໃນທ່າມກາງບັນຍາກາດທີ່ເບີກບານມ່ວນຊື່ນ, ອົບອຸ່ນເຕັມໄປດ້ວຍນໍ້າໃຈມິດຕະພາບ, ບັນດານາຍທະຫານໜຸ່ມສອງຝ່າຍໄດ້ຮັບຟັງການແນະນໍາໂດຍສັງເຂບກ່ຽວກັບພື້ນຖານວັດທະນະທໍາ, ປະຫວັດສາດມູນເຊື້ອແຫ່ງການຕໍ່ສູ້ຍາດເອົາເອກະລາດແຫ່ງຊາດຂອງແຕ່ລະປະເທດ; ກໍ່ຄືກ່ຽວກັບສະພາບການເມືອງ, ເສດຖະກິດ, ການທະຫານໃນໄລຍະຜ່ານມາ. ນອກຈາກນັ້ນ, ສອງຝ່າຍກໍ່ດຳເນີນການພົບປະແລກປ່ຽນ, ແລກປ່ຽນບາງບັນຫາທີ່ຕ່າງຝ່າຍຕ່າງມີຄວາມສົນໃຈ, ປະກອບສ່ວນເພີ່ມທະວີຄວາມເຂົ້າອົກເຂົ້າໃຈ, ຮັດແໜ້ນນໍ້າໃຈສາມັກຄີລະຫວ່າງໄວໜຸ່ມສອງປະເທດ.
|
|
ນາຍທະຫານໜຸ່ມຫວຽດນາມ ແລະອິນເດຍ ຖ່າຍຮູບເປັນທີ່ລະນຶກ. ພາບ: ມີງເຟືອງ. |
ກ່ອນໜ້ານັ້ນ, ຄະນະນາຍທະຫານໜຸ່ມກອງທັບອິນເດຍ ໄດ້ໄປຢ້ຽມຢາມ ແລະພົບປະແລກປ່ຽນຢູ່ໂຮງງານ X51 (ກົມໃຫຍ່ອຸດສາຫະກໍາປ້ອງກັນຊາດ) ແລະຢ້ຽມຊົມບາງທັດສະນີຍະພາບຢູ່ນະຄອນໂຮ່ຈິມິນ.
ໂດຍ: ຫງວຽນກຸກ