ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ເຈລະຈາກັບຫົວໜ້າກົມໃຫຍ່ເສນາທິການກອງທັບປະຊາຊົນລາວ
ກປ.ອອນໄລ - ຕອນເຊົ້າວັນທີ 14 ພຶດສະພາ, ທີ່ສຳນັກງານກະຊວງປ້ອງກັນປະເທດ, ທ່ານພົນໂທ ຟານວັນຢາງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ເປັນປະທານພິທີຕ້ອນຮັບທ່ານພົນໂທ ສຸວອນ ເລືອງບຸນມີ, ກໍາມະການສູນກາງພັກປະຊາຊົນ ປະຕິວັດ ລາວ, ຮອງລັດຖະມົນຕີກະຊວງປ້ອງກັນປະເທດ ລາວ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ.
|
|
ທ່ານພົນໂທ ຟານວັນຢາງ ແລະທ່ານພົນໂທ ສຸວອນ ເລືອງບຸນມີ ກວດແຖວກຽດຕິຍົດກອງທັບປະຊາຊົນຫວຽດນາມ. ພາບ: ຈ້ອງຫາຍ. |
ພາຍຫຼັງພິທີຕ້ອນຮັບ, ທ່ານພົນໂທ ຟານວັນຢາງ ໄດ້ເຈລະຈາກັບທ່ານພົນໂທ ສຸວອນ ເລືອງບຸນມີ. ທີ່ການເຈລະຈາ, ທ່ານພົນໂທ ຟານວັນຢາງ ແລະທ່ານພົນໂທ ສຸວອນ ເລືອງບຸນມີ ໄດ້ເຫັນດີເປັນເອກະພາບນຳກັນວ່າໃນໄລຍະຜ່ານມາ, ການຮ່ວມມືລະຫວ່າງສອງກົມໃຫຍ່ເສນາທິການໄດ້ຜັນຂະຫຍາຍຢ່າງຮອບດ້ານ, ລວງເລິກ, ແທດຈິງ ແລະມີປະສິດທິຜົນ, ຜ່ານນັ້ນປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈ, ປັບປຸງນໍ້າໃຈສາມັກຄີ, ມິດຕະພາບລະຫວ່່າງສອງພັກ, ສອງລັດ ແລະປະຊາຊົນສອງປະເທດ.
|
|
ທ່ານພົນໂທ ຟານວັນຢາງ ເຈລະຈາກັບທ່ານພົນໂທ ສຸວອນ ເລືອງບຸນມີ. ພາບ: ຈ້ອງຫາຍ. |
ສອງຝ່າຍໄດ້ເພີ່ມທະວີການສົມທົບກັນລະຫວ່າງກຳລັງປ້ອງກັນຊາຍແດນເປັນປະຈຳ ເພື່ອຕໍ່ສູ້, ສະກັດກັ້ນ ແລະຕ້ານອາດຊະຍະກຳຂ້າມຊາຍແດນປະເພດຕ່າງໆຢ່າງມີປະສິດທິຜົນ, ພິເສດແມ່ນອາດຊະຍະກຳຄ້າຂາຍຢາເສດຕິດ.
ທ່ານພົນໂທ ສຸວອນ ເລືອງບຸນມີ ຢັ້ງຢືນວ່າ, ການພົວພັນຮ່ວມມືດ້ານປ້ອງກັນຊາດລະຫວ່າງສອງປະເທດແມ່ນໜຶ່ງໃນບັນດາເນື້ອໃນສໍາຄັນ, ເຊິ່ງການນໍາຂັ້ນສູງ ແລະການນໍາກອງທັບສອງຝ່າຍໄດ້ເອົາໃຈໃສ່ຊຸກຍູ້. ທ່ານພົນໂທ ສຸວອນ ເລືອງບຸນມີສະແດງຄວາມເຊື່ອໝັ້ນວ່າສາຍພົວພັນອັນດີງາມລະຫວ່າງກອງທັບສອງປະເທດຈະປະກອບສ່ວນປັບປຸງ, ຮັດແໜ້ນຄວາມໄວ້ເນື້ອເຊື່ອໃຈ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດກວ່າອີກ, ປະກອບສ່ວນຮັກສາສັນຕິພາບ, ສະຖຽນລະພາບ ແລະການພັດທະນາຂອງແຕ່ລະປະເທດ.
ກ່ຽວກັບທິດທາງຮ່ວມມືໃນໄລຍະຈະມາເຖິງ, ທ່ານພົນໂທ ຟານວັນຢາງ ແລະທ່ານພົນໂທ ສຸວອນ ເລືອງບຸນມີ ເຫັນດີເປັນເອກະພາບນຳກັນວ່າ, ສອງຝ່າຍຄວນເພີ່ມທະວີການຮ່ວມມືບໍາລຸງສ້າງພະນັກງານ, ນັກສໍາມະນາກອນການທະຫານລາວ ຢູ່ບັນດາວິທະຍາຄານ, ໂຮງຮຽນຂຶ້ນກັບກະຊວງປ້ອງກັນປະເທດຫວຽດນາມ ກວ່າອີກ...
ແປໂດຍ: ຫງວຽນກຸກ