ການເຄື່ອນໄຫວຂອງທ່ານພົນເອກ ໂງຊວນລິກ ໃນການຢ້ຽມຢາມ ຍີ່ປຸ່ນ ຢ່າງເປັນທາງການ

14 ເມສາ 2018 21:36

ກປ.ອອນໄລ - ການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານພົນເອກ ໂງຊວນລິກ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ປະສົບຜົນສໍາເລັດຢ່າງຈົບງາມ ດ້ວຍການເຄື່ອນໄຫວແທດຈິງຫຼາຍຢ່າງ.

ການຢ້ຽມຢາມແນໃສ່ແລກປ່ຽນບັນດາເນື້ອໃນ ແລະມາດຕະການຢ່າງລະອຽດໃນເລື່ອງຊຸກຍູ້ການຮ່ວມມືດ້ານປ້ອງກັນຊາດ ຫວຽດນາມ-ຍີ່ປຸ່ນ, ປະກອບສ່ວນເພີ່ມທະວີສາຍພົວພັນມິດຕະພາບ, ຄວາມເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນ ແລະກັນລະຫວ່າງສອງປະເທດ, ສອງກອງທັບເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາຂອງພາກພື້ນ ແລະ ໃນໂລກກວ່າອີກ.

ນັກຂ່າວໜັງສືພິມກອງທັບປະຊາຊົນຫວຽດນາມ ຂໍແນະນໍາບາງຮູບພາບກ່ຽວກັບການເຄື່ອນໄຫວຂອງທ່ານພົນເອກ ໂງຊວນລິກ ໃນການຢ້ຽມຢາມ ຍີ່ປຸ່ນ ຢ່າງເປັນທາງການ.

ທ່ານລັດຖະມົນຕີກະຊວງປ້ອງກັນປະເທດຫວຽດນາມ ໂງຊວນລິກ ກວດແຖວກຽດຕິຍົດໃນພິທີຕ້ອນຮັບຢ່າງເປັນທາງການ ຢູ່ກະຊວງປ້ອງກັນປະເທດ ຍີ່ປຸ່ນ. ພາບ: ທູຈາງ.

ທ່ານລັດຖະມົນຕີ ໂງຊວນລິກ ແລະຄະນະຜູ້ແທນການທະຫານຂັ້ນສູງຫວຽດນາມ ພົບປະເຈລະຈາກັບຝ່າຍຍີ່ປຸ່ນ. ພາບ: ທູຈາງ.

ທ່ານລັດຖະມົນຕີກະຊວງປ້ອງກັນປະເທດຫວຽດນາມ ໂງຊວນລິກ ແລະທ່ານລັດຖະມົນຕີກະຊວງປ້ອງກັນປະເທດຍີ່ປຸ່ນ Onodera Itsunori ທີ່ພິທີລົງນາມໃນຖະແຫຼງການວິໄສທັດກ່ຽວກັບການພົວພັນດ້ານປ້ອງກັນຊາດສອງຝ່າຍ. ພາບ: ທູຈາງ.