ການລາດຕະເວນລວມຜ່ານ ພາຍຸ 2 ຄັ້ງ
ກປ.ອອນໄລ - ແຕ່ວັນທີ 19-27 ທັນວາ, ກໍາປັ່ນໝາຍເລກ 261 ແລະກໍາປັ່ນໝາຍເລກ 263, ກອງພົນນ້ອຍ 127, ທະຫານເຮືອເຂດ 5 ພ້ອມດ້ວຍຄະນະປະຕິບັດງານທະຫານເຮືອປະຊາຊົນຫວຽດນາມ ໄດ້ຜ່ານຜ່າພາຍຸ ສອງລູກ (ລູກທີ 15 ແລະ 16) ເພື່ອສຳເລັດການລາດຕະເວນລວມ ແລະຢ້ຽມຢາມທະຫານເຮືອ ລາດຊະວົງ ໄທ ເປັນຢ່າງດີ.
ນີ້ແມ່ນການລາດຕະເວນລວມ ຄັ້ງທີ 36 ຂອງທະຫານເຮືອປະຊາຊົນຫວຽດນາມ ແລະທະຫານເຮືອ ລາດຊະວົງ ໄທ. ໃນການລາດຕະເວນລວມ, ສອງຝ່າຍໄດ້ປະຕິບັດບັນດາລະບຽບການຂໍ່ານັບ “ສະບາຍດີ ອາຊຽນ” ແລະຝຶກຊ້ອມການຊອກຫາກູ້ໄພກູ້ຊີບໃນວິວັດການລາດຕະເວນລວມ; ຈັດຕັ້ງການສັງເກດກໍາແໜ້ນເຂດທີ່ກໍາປັ່ນເດີນທາງເພື່ອແນະນໍາໃຫ້ຊາວປະມົງຂອງສອງປະເທດຂຸດຄົ້ນສິນໃນນໍ້າໃນເຂດທີ່ໄດ້ກໍານົດຂອງແຕ່ລະຝ່າຍ.
ສິ້ນສຸດການລາດຕະເວນລວມ, ກອງປັ່ນ 2 ລໍາຂອງທະຫານເຮືອປະຊາຊົນຫວຽດນາມ ໄດ້ເຂົ້າທຽບທ່າກໍາປັ່ນ Chuk, Samet, ລາຊະອານາຈັກ ໄທ ເພື່ອຢ້ຽມຢາມ ແລະພົບປະແລກປ່ຽນກັບກອງບັນຊາການເຂດ 1 ທະຫານເຮືອລາດຊະວົງ ໄທ. ພະນັກງານ, ນັກຮົບເທິງກໍາປັ່ນໝາຍເລກ 261 ແລະ 263 ໄດ້ຢ້ຽມຢາມ ແລະພົບປະແລກປ່ຽນກັບພະນັກງານ, ລູກເຮືອຂອງກໍາປັ່ນໝາຍເລກ 423. ໃນການຢ້ຽມຢາມ ແລະພົບປະແລກປ່ຽນພະນັກງານ, ລູກເຮືອຂອງທະຫານເຮືອສອງປະເທດ ໄດ້ພ້ອມກັນແລກປ່ຽນບົດຮຽນ ແລະບັນດາທັກສະໃນການແກ້ໄຂບັນດາກໍລະນີ ເມື່ອກໍາປັ່ນເຄື່ອນໄຫວເທິງທະເລໂດຍສະເພາະແມ່ນໃນການລາດຕະເວນລວມຂອງສອງປະເທດ.
ເລື່ອງທະຫານເຮືອປະຊາຊົນຫວຽດນາມ ແຕ່ງຕັ້ງໃຫ້ກໍາປັ່ນເຂົ້າຮ່ວມການລາດຕະເວນລວມ ແລະຢ້ຽມຢາມທະຫານເຮືອລາດຊະວົງໄທ ນັ້ນ, ເຊິ່ງສະແດງໃຫ້ເຫັນເຈດຕະນາດີໃນການເພີ່ມທະວີສາຍພົວພັນຮ່ວມມືກັບກອງທັບ ແລະທະຫານເຮືອລາດຊະວົງ ໄທ, ພ້ອມທັງສືບຕໍ່ປັບປຸງ ແລະເພີ່ມທະວີການພົວພັນມິດຕະພາບກັບທະຫານເຮືອບັນດາປະເທດພາຍໃນ ແລະນອກພາກພື້ນ.
ໜັງສືພິມກອງທັບປະຊາຊົນ ອອນລາຍ ຂໍແນະນໍາບາງຮູບພາບເຄື່ອນໄຫວຂອງການລາດຕະເວນລວມ ແລະການຢ້ຽມຢາມຄັ້ງນີ້:
|
|
ພະນັກງານ, ນັກຮົບກໍາປັ່ນໝາຍເລກ 263 ປະຕິບັດພິທີຂໍ່ານັບທ່າກໍາປັ່ນ ເມື່ອເດີນທາງປະຕິບັດການລາດຕະເວນລວມ. ພາບ: ວັນກຽນ. |
|
|
ຜູ້ບັນຊາກໍາປັ່ນໝາຍເລກ 263 ບັນຊາກໍາປັ່ນເຄື່ອນຍ້າຍເທິງທະເລ. ພາບ: ວັນກຽນ. |
|
|
ກໍາປັ່ນທະຫານເຮືອສອງປະເທດ ປະຕິບັດຂັ້ນຕອນຂໍ່ານັບ “ສະບາຍດີ ອາຊຽນ”. ພາບ: ວັນກຽນ. |
|
|
ກໍາປັ່ນທະຫານເຮືອ ສອງປະເທດ ຝຶກຊ້ອມການອອກສັນຍາດ້ວຍທຸງ. ພາບ: ວັນກຽນ. |
|
|
ກໍາປັ່ນໝາຍເລກ 261 ໂຄສະນາ, ແນະນໍາຊາວປະມົງ ຂຸດຄົ້ນສິນໃນນໍ້າໃນເຂດທີ່ໄດ້ກໍານົດຂອງແຕ່ລະຝ່າຍ. ພາບ: ວັນກຽນ. |
|
|
ຄະນະປະຕິບັດງານເທິງກໍາປັ່ນໝາຍເລກ 263 ຂອງທະຫານເຮືອປະຊາຊົນ ຫວຽດນາມ ຂໍ່ານັບທ່າກໍາປັ່ນ ໄທ. ພາບ: ວັນກຽນ. |
|
|
ສອງຄະນະຖ່າຍຮູບເປັນທີ່ລະນຶກ ຢູ່ທ່າກໍາປັ່ນ Chuk, ລາຊະອານາຈັກ ໄທ. ພາບ: ວັນກຽນ. |
|
|
ບັນຍາກາດຕ້ອນຮັບຄະນະຜູ້ແທນທະຫານເຮືອປະຊາຊົນຫວຽດນາມ ທີ່ກອງບັນຊາການເຂດ 1 ທະຫານເຮືອລາດຊະວົງ ໄທ. ພາບ: ວັນກຽນ. |
|
|
ພະນັກງານ, ນັກຮົບກໍາປັ່ນໝາຍເລກ 261 ແລະກໍາປັ່ນໝາຍເລກ 263 ຢ້ຽມຊົມກໍາປັ່ນໝາຍເລກ 432 ຂອງທະຫານເຮືອລາດຊະວົງ ໄທ ເຂດ 1. ພາບ: ວັນກຽນ. |
|
|
ພະນັກງານ, ລູກເຮືອທະຫານເຮືອສອງປະເທດ ແຂ່ງຂັນບານສົ່ງມິດຕະພາບ. ພາບ: ວັນກຽນ. |
ແປໂດຍ: ຮວ່າງເຈື່ອງ