ທ່ານພົນເອກ ໂງຊວນລິກ ຢ້ຽມຢາມ, ອວຍພອນສຸຂະພາບທ່ານອະດີດເລຂາທິ ການໃຫຍ່ ເລຂາຟຽວ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 74 ປີແຫ່ງວັນສ້າງຕັ້ງກອງທັບ ປະຊາຊົນຫວຽດນາມ (22-12-1944/22-12-2018), ຕອນເຊົ້າວັນທີ 16 ທັນວາ, ທ່ານພົນເອກ ໂງຊວນລິກ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໄປຢ້ຽມຢາມ, ອວຍພອນສຸຂະພາບທ່ານພົນໂທ ເລຂາຟຽວ, ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ອະດີດຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ.
ພາຍຫຼັງຢ້ຽມຢາມຖາມຂ່າວສຸຂະພາບທ່ານອະດີດເລຂາທິການໃຫຍ່, ທ່ານພົນເອກ ໂງຊວນລິກ ໄດ້ແຈ້ງໃຫ້ທ່ານ ເລຂາຟຽວ ຮັບຊາບກ່ຽວກັບໝາກຜົນແຫ່ງການປະຕິບັດໜ້າທີ່ຂອງທົ່ວກອງທັບປີ 2018 ແລະແຜນການ, ໜ້າທີ່ຕົ້ນຕໍ ປີ 2019. ທ່ານພົນເອກ ໂງຊວນລິກ ອວຍພອນທ່ານ ເລຂາຟຽວ ຈົ່ງມີສຸຂະພາບເຂັ້ມແຂງ ແລະມີບັນດາຄຳເຫັນປະກອບໃຫ້ແກ່ຄະນະພັກການທະຫານສູນກາງ, ກະຊວງປ້ອງກັນປະເທດກ່ຽວກັບການປະຕິບັດໜ້າທີ່ການທະຫານ, ການປ້ອງກັນຊາດ, ກໍ່ສ້າງກອງທັບປະຕິວັດ, ກອງທັບຫຼວງ, ຍອດຍ້ຽມ, ທັນສະໄໝເທື່ອລະກ້າວ.
|
|
ທ່ານພົນເອກ ໂງຊວນລິກ ມອບຊໍ່ດອກໄມ້ໃຫ້ທ່ານອະດີດເລຂາທິການໃຫຍ່ ເລຂາຟຽວ. ພາບ: ເຈິ່ນຕ໋ວນ. |
|
|
ອະດີດເລຂາທິການໃຫຍ່ ເລຂາຟຽວ ແລກປ່ຽນກັບທ່ານພົນເອກ ໂງຊວນລິກ. ພາບ: ເຈິ່ນຕ໋ວນ. |
|
|
ທ່ານພົນເອກ ໂງຊວນລິກ ແລະບັນດາຜູ້ແທນຖ່າຍຮູບເປັນທີ່ລະນຶກພ້ອມກັບທ່ານອະດີດເລຂາທິການໃຫຍ່ ເລຂາຟຽວ. ພາບ: ເຈິ່ນຕ໋ວນ. |
ທ່ານອະດີດເລຂາທິການໃຫຍ່ ເລຂາຟຽວ ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່, ລະດົມກຳລັງໃຈຂອງຄະນະພັກການທະຫານສູນກາງ, ກະຊວງປ້ອງກັນປະເທດ ແລະທ່ານລັດຖະມົນຕີກະຊວງປ້ອງກັນປະເທດ; ພ້ອມທັງສະແດງໃຫ້ເຫັນຄວາມໄວ້ເນື້ອເຊື່ອໃຈຕໍ່ຖັນແຖວພະນັກງານການນຳຂອງກອງທັບໃນປະຈຸບັນ. ທ່ານ ເລຂາຟຽວ ປາດຖະໜາວ່າທົ່ວກອງທັບຈະສືບຕໍ່ຮັກສານ້ຳໃຈສາມັກຄີ, ເຫັນດີເປັນເອກະພາບກ່ຽວກັບເຈດຈຳນົງ ແລະການກະທຳ, ກໍ່ສ້າງອົງຄະນະພັກກອງທັບໃຫ້ມີຄວາມປອດໃສ, ເຂັ້ມແຂງ, ຍົກສູງລະດັບຄວາມຮູ້ໃນການເປັນເສນາທິການ, ສູ້ຮົບ, ປະຕິບັດສໍາເລັດທຸກໜ້າທີ່ເຊິ່ງພັກ, ລັດ ແລະປະຊາຊົນມອບໝາຍໃຫ້.
ໂດຍ: ວຽງຄຳ