ເປົ້າໝາຍນະໂຍບາຍເກືອບ 500 ຄົນຢູ່ແຂວງ ວິງຟຸກ ໄດ້ຮັບການກວດພະຍາດ, ແຈກຢາຍຢຸກຢາໂດຍບໍ່ເສຍຄ່າ

15 ກໍລະກົດ 2018 20:52

ກປ.ອອນໄລ - ເມື່ອມຸ່ງໄປເຖິງການສະເຫຼີມສະຫຼອງແຫ່ງວັນທະຫານເສຍອົງຄະ-ນັກຮົບເສຍສະຫຼະຊີວິດເພື່ອຊາດຄົບຮອບ 71 ປີ(27-7-1947/27-7-2018), ໃນວັນທີ 14 ກໍລະກົດ, ຄະນະປະຕິບັດງານຂອງໂຮງໝໍບ໊ອງແຫ່ງຊາດ, ວິທະຍາຄານເສນາຮັກໄດ້ຈັດຕັ້ງການກວດພະຍາດ, ໃຫ້ຄໍາປຶກສາດ້ານສຸຂະພາບ, ແຈກປາຍຢຸກຢາໂດຍບໍ່ເສຍຄ່າ, ມອບຂອງຂວັນໃຫ້ບັນດາເປົ້າໝາຍນະໂຍບາຍ, ຜູ້ມີຄຸນງາມຄວາມດີໃນບໍລິເວນຕາແສງ ຫວຽດຊວນ, ເມືອງ ວິງເຕື່ອງ, ແຂວງ ວິງຟຸກ.

ການກວດ, ປິ່ນປົວພະຍາດຂອງໂຮງໝໍບ໊ອງແຫ່ງຊາດ ແລະວິທະຍາຄານເສນາຮັກຄັ້ງນີ້ໄດ້ສະແດງໃຫ້ເຫັນອາລົມຈິດ, ຄວາມຮັບຜິດຊອບ ແລະເອົາໃຈໃສ່ຂອງພັກ, ລັດ, ກອງທັບ; ສະແດງຄວາມຮູ້ບຸນຄຸນ, ຈົດຈໍາຄຸນງາມຄວາມດີຂອງບັນດານັກວິລະຊົນທະຫານເສຍສະຫຼະຊີວິດເພື່ອຊາດ; ການອຸທິດສ່ວນ, ເສຍສະຫຼະຊີວິດ ແລະການປະກອບສ່ວນອັນໃຫຍ່ຫຼວງຂອງບັນດາສະຫາຍເສຍອົງຄະ, ທະຫານເຈັບປ່ວຍ, ປະກອບສ່ວນສ້າງໄຊຊະນະທີ່ສະຫງ່າລາສີຂອງການປະຕິວັດຫວຽດນາມ, ຢືນຢັນມູນເຊື້ອ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນໍ້າ”, ຕອບບຸນແທນຄຸນ” ຂອງປະເທດຊາດສໍາລັບຜູ້ມີຄຸນງາມຄວາມດີຕໍ່ການປະຕິວັດ.

ໃນເວລາໜຶ່ງວັນ, ຄະນະປະຕິບັດງານລວມມີພະນັກງານ, ພາລະກອນສາທາລະນະສຸກ 60 ຄົນໄດ້ຈັດຕັ້ງກວດພະຍາດໃຫ້ເປົ້າໝາຍນະໂຍບາຍເກືອບ 300 ຄົນ.