ບັນດາປະເທດ ອີຢູ ຮຽກຮ້ອງໃຫ້ປະຕິຮູບຂໍ້ກຳນົດອຸດສາຫະກຳ
ວັນທີ 3 ພະຈິກ, ລັດຖະມົນຕີອຸດສາຫະກຳຂອງ 17 ປະເທດ ອີຢູ, ໃນນັ້ນມີ ເຢຍລະມັນ, ຝະລັ່ງ, ອີຕາລີ, ແອດສະປາຍ ແລະ ໂປໂລຍ ໄດ້ພ້ອມກັນລົງນາມໃນຖະແຫຼງການ ແບກແລງ ແນໃສ່ຮຽກຮ້ອງດຳເນີນການປະຕິຮູບຢ່າງເລິກເຊິ່ງກວ້າງຂວາງ ເພື່ອຫັນບັນດາຂໍ້ກຳນົດອຸດສາຫະກຳພາຍໃນກຸ່ມເປັນງ່າຍດາຍ.
ຕາມເນື້ອໃນຂອງຖະແຫຼງການດັ່ງກ່າວ, ປະເທດຕ່າງໆ ໄດ້ເນັ້ນໜັກເຖິງຄວາມຈຳເປັນຕ້ອງສ້າງພື້ນຖານອຸດສາຫະກຳປ້ອງກັນຊາດເອີລົບ ໃຫ້ເຂັ້ມແຂງກວ່າ, ທັງຕອບສະໜອງຄວາມຕ້ອງການປ້ອງກັນຄວາມສະຫງົບ, ທັງໜູນຊ່ວຍພັດທະນາບັນດາຂົງເຂດພົນລະເຮືອນ. ນອກຈາກນັ້ນແລ້ວ, ຖະແຫຼງການ ແບກແລງ ກໍ່ໄດ້ຮຽກຮ້ອງສ້າງຕັ້ງບັນດາເຄື່ອງມືການເງິນໃໝ່ ເພື່ອຮັບປະກັນຄວາມສາມາດເຂົ້າເຖິງ ແລະປົກປ້ອງແຫຼ່ງສະໜອງວັດຖຸດິບຍຸດທະສາດ ເຊິ່ງຖືກຖືວ່າແມ່ນປັດໄຈແກ່ນສານໃຫ້ແກ່ຄວາມສາມາດແກ່ງແຍ້ງຂອງ ອີຢູ ໃນສະພາບຕ່ອງໂສ້ການສະໜອງທົ່ວໂລກມີການຜັນແປຢ່າງແຮງ.
ການກະທຳນີ້ຖືກຖືວ່າ ແມ່ນສ່ວນໜຶ່ງໃນຄວາມມານະພະຍາຍາມຂອງເອີລົບ ແນໃສ່ປັບປຸງຄວາມສາມາດເປັນເຈົ້າການຍຸດທະສາດ, ຫຼຸດຜ່ອນການເອື່ອຍອີງບັນດາແຫຼ່ງສະໜອງພາຍນອກ ແລະ ເພີ່ມກຳລັງແກ່ງແຍ້ງໃຫ້ແກ່ບັນດາຂະແໜງອຸດສາຫະກຳຫຼັກຂອງກຸ່ມ.
ແຫຼ່ງຄັດຈາກ: vovworld.vn