ໄພນ້ຳ​ຖ້ວມ​ຢ່າງ​ຮ້າຍ​ແຮງ ​ຢູ່​ປາ​ກິດ​ສະ​ຖານ ​ເຮັດ​ໃຫ້ຫຼາຍ​ຄົນ​ເສຍ​ຊີ​ວິດ ແລະຫາຍ​ສາບ​ສູນ

ຜູ້ປະສົບເຄາະຮ້າຍໃນເຫດນ້ຳຖ້ວມນ້ຳແກ່ງຢູ່ ປາກິດສະຖານ. ພາບ: REUTERS

ທ່ານ Asfandyar Khattak ຜູ້ນຳອົງການຄວບຄຸມວິນາດຕະກຳແຂວງ Khyber Pakhtunkhwa ຢັ້ງຢືນວ່າມີຜູ້ຫາຍສາບສູນຢ່າງໜ້ອຍສຸດ 150 ຄົນ ຢູ່ເມືອງ Buner, ອາດຈະຖືກຕິດຢູ່ໃຕ້ຊາກຫາກພັງ ຫຼື ຖືກນ້ຳແກ່ງໄປ. ໃນຂະນະນັ້ນ, ຢູ່ເມືອງ Shangla ກໍ່ໄດ້ຮັບການລາຍງານ ມີນັບສິບຄົນພວມຖືກຫາຍສາບສູນ. ເຫດນ້ຳແກ່ງເຮັດໃຫ້ລະບົບໄຟຟ້າ ແລະ ຄົມມະນາຄົມຢູ່ Buner ຖືກເປ່ເພຢ່າງຮ້າຍແຮງ, ເຮັດໃຫ້ໄຟດັບ ແລະຂາດວັກຂາດຕອນໃນການຕິດຕໍ່. ຝົນຕົກໜັກແກ່ຍາວ ເຮັດໃຫ້ວຽກງານກູ້ໄພກູ້ຊີບປະສົບກັບຄວາມຫຍຸ້ງຍາກຫຼາຍຢ່າງ. ປັດຈຸບັນມີພະນັກງານກູ້ໄພກູ້ຊີບປະມານ 2000 ຄົນ ພວມຂຸດຄົ້ນຢູ່ຕາມຊາກເຮືອນທີ່ຖືກຖົມ ເພື່ອຄົ້ນຫາຜູ້ລອດຊີວິດ. ວຽກງານກູ້ໄພກູ້ຊີບໄດ້ຮັບການຜັນຂະຫຍາຍຢູ່ 9 ເມືອງ ທີ່ຖືກຜົນສະທ້ອນ.

ແຫຼ່ງຄັດຈາກ: vovworld.vn