ໄທ ແລະກຳປູເຈຍ ປ່ຽນບ່ອນຈັດກອງປະຊຸມຄະນະກຳມະການຊາຍແດນຮ່ວມ

ບັນດາທູດທະຫານຕ່າງປະເທດຈາກບັນດາປະເທດມະຫາອຳນາດ ແລະອາຊຽນ ລົງກວດກາເຂດຊາຍແດນ ໄທ - ກຳປູເຈຍ ຢູ່ ແຂວງ Sisaket, ໄທ. ໃນວັນທີ 01/8/2025. ພາບ: REUTERS/Chalinee Thirasupa

ກອງປະຊຸມຄະນະກຳມະການຊາຍແດນຮ່ວມ (GBC - General Border Committee) ລະຫວ່າງ ໄທ ແລະກຳປູເຈຍ ຄາດວ່າ ດຳເນີນແຕ່ວັນທີ 4 ຮອດວັນທີ 7 ສິງຫາ ຈະໄດ້ຈັດຕັ້ງຢູ່ ມາເລເຊຍ ແທນທີ່ນະຄອນຫລວງ ພະນົມເປັນ ປະເທດກຳປູເຈຍ ຕາມແຜນການເບື້ອງຕົ້ນ. ວັນທີ 2 ສິງຫາ, ທ່ານຮອງລັດຖະມົນຕີກະຊວງປ້ອງກັນປະເທດໄທ ນາຍພົນ Nattaphon Narkphanit  ໃຫ້ຮູ້ວ່າ: ການເລືອກເອົາ ມາເລເຊຍ ແມ່ນບ່ອນຈັດກອງປະຊຸມ ເພື່ອແນໃສ່ຮັບປະກັນລັກສະນະເປັນກາງໄກ່ເກ່ຍ. ທ່ານກໍ່ເນັ້ນຫນັກວ່າ ການກະທຳນີ້ບໍ່ສ່ອງແສງຄວາມບໍ່ເຊື່ອໝັ້ນ ຫາກເພື່ອແນໃສ່ຫລີກລ້ຽງຄວາມສ່ຽງເພີ່ມຄວາມເຄັ່ງຕຶງ ແລະຮັບປະກັນວິວັດການເຈລະຈາດຳເນີນເປັນປົກກະຕິ. ຝ່າຍ ກຳປູເຈຍ ໄດ້ມີຄວາມເຫັນດີເຫັນພ້ອມຕໍ່ກັບການປ່ຽນບ່ອນດຳເນີນກອງປະຊຸມ. ແຜນດຳເນີນກອງປະຊຸມກໍ່ໄດ້ແກ່ຍາວມາ ເປັນ 3 ມື້.

ໃນວັນທີ 2 ສິງຫາ, ຕາມແຈ້ງການຂອງໂຄສົກກະຊວງປ້ອງກັນປະເທດໄທ Surasan Kongsiri ແລ້ວ, ທ່ານຮອງລັດຖະມົນຕີກະຊວງປ້ອງກັນປະເທດໄທ ໄດ້ເຫັນດີຕໍ່ບົດບາດນັກສັງເກດການຂອງສາມປະເທດ, ຄື: ອາເມລິກາ, ຈີນ ແລະມາເເລຊຍ ໃນວັນເຮັດວຽກສຸດທ້າຍ (ວັນທີ 7 ສິງຫາ) ລະຫວ່າງ ໄທ ແລະກຳປູເຈຍ.  ວັນທີ 2 ສິງຫາ, ນາຍພົນ ມາເລເຊຍ Anwar Ibrahim ກໍ່ຢັ້ງຢືນວ່າ ຄະນະປະຕິບັດງານຂອງ ໄທ ແລະກຳປູເຈຍ ຈະເດີນທາງເຖິງ ນະຄອນຫລວງ ກົວລາລຳເປີ ຂອງ ມາເລເຊຍ ໃນວັນທີ 4 ສິງຫາ ເພື່ອເຈລະຈາ ແລະເປັນເອກະພາບບາງເນື້ອໃນກ່ຽວຂ້ອງເຖິງການຮັກສາສັນຕິພາບຢູ່ເຂດ ຊາຍແດນ ໄທ - ກຳປູເຈຍ.

ແຫຼ່ງຄັດຈາກ: vovworld.vn