ວັນທີ 09 ມັງກອນ, ຢູ່ສຳນັກງານຄະນະເລຂາ ອາຊຽນ, ທີ່ ຈາກາກຕາ, ປະເທດ  ອິນໂດເນເຊຍ, ໄດ້ຈັດພິທີປະກາດໂລໂກ ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນຄູ່ຮ່ວມມືໂອ້ລົມສົນທະນາ ອາຊຽນ - ນິວຊີແລນ (1975 – 2025), ເລີ່ມເຄື່ອນໄຫວບັນດາການເຄື່ອນໄຫວສະເຫຼີມສະຫຼອງຢ່າງເປັນທາງການ, ສ້າງຂີດໝາຍສຳຄັນຢ່າງເລິກເຊິ່ງລະຫວ່າງ ອາຊຽນ ແລະ ນິວຊີແລນ.

leftcenterrightdel
ຜູ້ແທນເຂົ້າຮ່ວມພິທີປະກາດໂລໂກ. ພາບ: vov.vn

ກ່າວຄຳເຫັນຕາງໜ້າບັນດາເອກອັກຄະລັດຖະທູດ ອາຊຽນ, ທ່ານນາງ ໂຕນທິງອັກເຮືອງ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ອາຊຽນ, ໃຫ້ຮູ້ວ່າ:

“ປີ 2025 ແມ່ນປີມີຄວາມໝາຍພິເສດ, ເມື່ອ ຫວຽດນາມ ສວມບົດບາດເປັນປະທານປະສານງານ, ຈະພ້ອມກັບບັນດາປະເທດຈັດກອງປະຊຸມຂັ້ນສູງ ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນຄູ່ຮ່ວມມື ອາຊຽນ - ນິວຊີແລນ. ຫວຽດນາມ ປະສານງານການສະເໜີຂອງ ນິວຊີແລນ ກ່ຽວກັບການສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານກັບ ອາຊຽນ, ເພື່ອຍື່ນສະເໜີຕໍ່ການນຳ ອາຊຽນ ພິຈາລະນາທີ່ກອງປະຊຸມຂັ້ນສູງ ອາຊຽນ - ນິວຊີແລນ ຈະມາເຖິງ. ພ້ອມກັນນັ້ນ, ກໍ່ສົມທົບກັບບັນດາປະເທດສ້າງ ແລະ ຮັບຮອງເອົາແຜນການກະທຳ ອາຊຽນ - ນິວຊີແລນ ໄລຍະ 2026, ຕັ້ງໜ້າປະກອບສ່ວນພ້ອມກັບບັນດາປະເທດສະມາຊິກ ອາຊຽນ ແລະ ນິວຊີແລນ ເພື່ອບັນລຸໝາກຜົນຢ່າງແທດຈິງ, ມິປະສິດທິພົນທີ່ສຸດໃຫ້ແກ່ປີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ອາຊຽນ - ນິວຊີແລນ”.

ແຫຼ່ງຄັດຈາກ: vovworld.vn