ຮູບແບບການເຈລະຈາແມ່ນເຊິ່ງໜ້າ, ໂດຍບໍ່ຜ່ານປະເທດເປັນກາງໄກ່ເກ່ຍ ແລະບໍ່ມີການເຂົ້າຮ່ວມຂອງຝ່າຍອື່ນ. ຫົວໜ້າຄະນະເຈລະຈາຝ່າຍອາເມລິກາ ແມ່ນທ່ານ Steve Witkoff ທູດພິເສດຂອງທ່ານປະທານາທິບໍດີ Donald Trump. ສ່ວນຝ່າຍ ອີຣານ ນຳໂດຍທ່ານ Abbas Araghchi ລັດຖະມົນຕີການຕ່າງປະເທດ. ທ່ານ Witkoff ແລະທ່ານ Araghchi ແມ່ນຜູ້ຕາງໜ້າຂອງ ອາເມລິກາ ແລະອີຣານ ໃນການເຈລະຈານິວເຄຼຍຂັ້ນສູງລະຫວ່າງສອງປະເທດເມື່ອຕົ້ນປີ 2025.

ກ່ຽວກັບເນື້ອໃນປຶກສາຫາລືໃນຮອບເຈລະຈາຢູ່ ໂອມານ, ມີບາງແຫຼ່ງຂ່າວໃນພາກພື້ນໄດ້ຢັ້ງຢືນວ່າ ບັນດາວາລະເຈລະຈາສ່ວນຫຼາຍຈະປິ່ນອ້ອມບັນຫານິວເຄຼຍຂອງ ອີຣານ, ແຕ່ກໍ່ອາດຈະລວມມີທັງໂຄງການລູກສອນໄຟນຳວິຖີ ແລະການໜູນຫຼັງຂອງ ອີຣານ ໃຫ້ກຸ່ມປະກອບອາວຸດໃນໄລຍະເກີດສົງຄາມ.

ແຫຼ່ງຄັດຈາກ: vovworld.vn