leftcenterrightdel
ສ.ອາເມລິກາ ຈະເກັບພາສີສຳລັບສິນຄ້າທີ່ນຳເຂົ້າຈາກສະຫະພາບເອີຣົບ ໃນລະດັບ 15%. ພາບ: kpl.gov.la

ທ່ານ ໂດນັນ ທຣຳ ກ່າວຕື່ມວ່າ: ສະຫະພາບເອີຣົບ ຈະລົງທຶນຢູ່ ສ. ອາເມລິກາ ເພີ່ມອີກ 600 ຕື້ໂດລາສະຫະລັດ ແລະຈະຈັດຊື້ອາວຸດ ຍຸດໂທປະກອນຈາກ ສ.ອາເມລິກາ ລວມເຖິງຈະຈັດຊື້ຜະລິດຕະພັນພະລັງງານຈາກ ສ.ອາເມລິກາ ມູນຄ່າ 750 ຕື້ໂດລາສະຫະລັດ. ທ່ານ ໂດນັນ ທຣຳ ກ່າວຕື່ມວ່າ: ສຳລັບພາສີນຳເຂົ້າເຫຼັກກ້າ ແລະອາລູມີນຽມ ຈະຮັກສາຢູ່ໃນລະດັບປັດຈຸບັນ 50%. ພະລັງງານແມ່ນສ່ວນສຳຄັນຍິ່ງໃນສັນຍາສະບັບນີ້, ສັນຍາສະບັບນີ້ຈະມີຜົນດີຕໍ່ອຸດສາຫະກຳລົດ ແລະມີບົດບາດຢ່າງໃຫຍ່ຕໍ່ຂົງເຂດກະສິກຳເຊ່ັນດຽວກັນ, ສ.ອາເມລິກາ ຈະສຸມກຳລັງໃສ່ຂົງເຂດແຜ່ນຊິບ. ຂະນະທີ່ນາຍົກລັດຖະມົນຕີອັງກິດ ໄດ້ສະແດງຄວາມຊົມເຊີຍຕໍ່ສັນຍາດັ່ງກ່າວ. ທ່ານ ໂຮເວີດ ລຸດນິກ, ລັດຖະມົນຕີກະຊວງການຄ້າອາເມລິກາ ໄດ້ກ່າວວ່າ: ສ.ອາເມລິກາ ຈະກຳນົດນະໂຍບາຍພາສີກ່ຽວກັບແຜ່ນຊິບພາຍໃນ ສອງອາທິດຕໍ່ໜ້ານີ້.

ແຫຼ່ງຄັດຈາກ: kpl.gov.la