ຕາມແຜນການແລ້ວ, ທ່ານນາຍົກລັດຖະມົນຕີໄທ ຈະເປັນປະທານກອງປະຊຸມກັບຜູ້ບັນຊາການທະຫານເຂດ 1 ແລະບັນດາອົງການທີ່ມີໜ້າທີ່ຮັບຜິດຊອບຢູ່ທ້ອງຖິ່ນກ່ຽວກັບສະພາບການຄວາມໝັ້ນຄົງຂາການຄ້າ, ກະສິກຳຢູ່ທ້ອງຖິ່ນ. ທ່ານນາຍົກລັດຖະມົນຕີໄທ ກໍ່ຈະລົງສຳຫຼວດ ບັນດາການເຄື່ອນໄຫວຢູ່ປ້ອມກວດກາເຂດຊາຍແດນໂດຍກົງ, ລົງຢ້ຽມຢາມປະຊາຊົນ, ວິສາຫະກິດທ້ອງຖິ່ນ ແລະບັນດາພະນັກງານ, ນັກຮົບທີ່ພວມປະຕິບັດໜ້າທີ່.

leftcenterrightdel
ນາຍົກລັດຖະມົນຕີໄທ ໃນການເດີນທາງໄປປະຕິບັດງານຢູ່ແຂວງ Ubon Ratchathani. ພາບ: ລັດຖະບານໄທ

ທ່ານໂຄສົກລັດຖະບານໄທ ເນັ້ນໜັກວ່າ ໃນໂອກາດນີ້ທ່ານນາຍົກລັດຖະມົນຕີໄທ ຈະຮັບຟັງ ແລະແກ້ໄຂບັນດາຄວາມວິຕົກກັງວົນຂອງວົງການເຈົ້າໜ້າທີ່ທ້ອງຖິ່ນ ແລະປະຊາຊົນກ່ຽວກັບວຽກງານຮັບປະກັນຄວາມໝັ້ນຄົງ, ຄວາມປອດໄພ ແລະບັນຫາເກີດຂຶ້ນໂດຍກົງ. ລັດຖະບານໄທໃຫ້ຄຳໝັ້ນສັນຍາຮັບປະກັນຄວາມໝັ້ນຄົງແຫ່ງຊາດ ແລະຊຸກຍູ້ຄວາມສະຖຽນລະພາບຢູ່ເຂດຊາຍແດນຕິດກັບກຳປູເຈຍ.

ແຫຼ່ງຄັດຈາກ: vovworld.vn