ອີຢູ ສຳເລັດໂຄງການສິນເຊື່ອເພື່ອຊື້ອາວຸດ
ວັນທີ 19 ພຶດສະພາ, ວົງການເຈົ້າໜ້າທີ່ການທູດ ໃຫ້ຮູ້ວ່າ: ສະຫະພາບເອີລົບ ຫຼື ອີຢູ ໄດ້ສຳເລັດແຜນການຜັນຂະຫຍາຍໂຄງການສິນເຊື່ອລວມ ດ້ວຍມູນຄ່າແມ່ນ 150 ຕື້ເອີໂຣ ທີ່ສະຫງວນໃຫ້ແກ່ບັນດາປະເທດສະມາຊິກເພື່ອແນໃສ່ຟື້ນຟູການປະກອບອາວຸດໃນສະພາບການຄວາມໝັ້ນຄົງຂອງພາກພື້ນ ພວມປະເຊີນໜ້າກັບສິ່ງທ້າທາຍຫຼາຍຢ່າງ ພິເສດແມ່ນກ່ຽວຂ້ອງເຖິງການປະທະກັນທ່ີແກ່ຍາວຢູ່ ຢູແກຼນ.
ລະອຽດແມ່ນຂໍ້ລິເລີ່ມກູ້ຢືມທີ່ມີຊື່ວ່າ SAFE (Security Action for Europe - ຂໍ້ລິເລີ່ມຄວາມໝັ້ນຄົງໃຫ້ແກ່ເອີລົບ) ໄດ້ຮັບປະກັນດ້ວຍແຫຼ່ງງົບປະມານສູນກາງຂອງ ອີຢູ ໂດຍຄະນະກຳມະການເອີລົບ EC ສະເໜີໃນເດືອນມີນາປີນີ້ໃນຄວາມມານະພະຍາຍາມຍູ້ໄວການປັບປຸງກຳລັງຄວາມສາມາດປ້ອງກັນຕົວຂອງກຸ່ມ. ໂຄງການດັ່ງກ່າວແມ່ນສ່ວນໜຶ່ງໃນບ້ວງມາດຕະການທີ່ກວ້າງກວ່າໃນນັ້ນມີການຜ່ອນຜັນບັນດາຂໍ້ກຳນົດດ້ານງົບປະມານ ຊື່ງຕາມ ບຣຸກແຊນ ແລ້ວອາດຈະສ້າງເງ່ືອນໄຂເພື່ອລະດົມຈຳນວນເງິນເຖິງ 800 ຕື້ເອີໂຣ ໃຫ້ແກ່ລາຍຈ່າຍດ້ານປ້ອງກັນຊາດ. ເອກະສານຍັງຄົງຕ້ອງການໄດ້ຮັບການຮັບຮອງເອົາຢ່າງເປັນທາງການ ແລະຄາດວ່າຈະໄດ້ໃຫ້ສັດຕະຍາບັນຈາກບັນດາທ່ານລັດຖະມົນຕີ ໃນການປະຊຸມຢູ່ ບຣຸກແຊນ, ປະເທດແບນຊິກ ໃນວັນທີ 27 ພຶດສະພາ.
ແຫຼ່ງຄັດຈາກ: vovworld.vn