leftcenterrightdel
ສະພາບການຢູ່ເຂດ ກາຊາ. ພາບ: THX/ສໍານັກຂ່າວສານຫວຽດນາມ

ຄະນະນັກເຈລະຈາ, ໂດຍທ່ານ Khalil Al – Hayya, ການນຳຂັ້ນສູງຂອງ ຮາມາດສ, ເປັນຫົວໜ້າຄະນະ, ຄາດວ່າຈະປຶກສາຫາລືກັບບັນດາເຈົ້າໜ້າທີ່ ອີຢິບ ກ່ຽວກັບບັນດາການຜັນແປຫຼ້າສຸດທີ່ກ່ຽວຂ້ອງເຖິງສະພາບການ ຢູ່ ກາຊາ ແລະກໍຄືບັນດາການເຈລະຈາທີ່ປິ່ນອ້ອມຂໍ້ຕົກລົງຢຸດຍິງ. ມີບາງແຫຼ່ງຂ່າວໃນພາກພື້ນໄດ້ໃຫ້ຂໍ້ສັງກາດວ່າ ຂໍ້ສະເໜີໃໝ່ນີ້ຂອງທູດພິເສດອາເມລິກາ ກ່ຽວກັບການຕໍ່ກຳນົດເວລາຄຳສັ່ງຢຸດຍິງ ກາຊາ ຕື່ມອີກ 6 – 7 ອາທິດ ຈະແມ່ນກອງປະຊຸມປຶກສາຫາລືຈຸດສຸມຢູ່ ກາຍໂຣ ລະຫວ່າງ ຮາມາດສ ແລະວົງການເຈົ້າໜ້າທີ່ ອີຢິບ.

ກ່ອນຖະແຫຼງຂ່າວຈັດສົ່ງຄະນະນັກເຈລະຈາກັບຄືນ ກາຍໂຣ, ຮາມາດສ ຖະແຫຼງວ່າ ພ້ອມແລ້ວທີ່ກ້າວໄປເຖິງຂໍ້ຕົກລົງຮອບດ້ານກ່ຽວກັບໄລຍະທີ 2 ຂອງຂໍ້ຕົກລົງຢຸດຍິງ. ຮາມາດສ ຢັ້ງຢືນວ່າ ການນຳຂອງກຸ່ມໄດ້ຮັບຂໍ້ສະເໜີຂອງບັນດາປະເທດເປັນກາງໄກ່ເກ່ຍສາກົນກ່ຽວກັບການຟື້ນຟູການເຈລະຈາແລ້ວ, ພ້ອມທັງຢັ້ງຢືນວ່າ ຈະສືບຕໍ່ສຳຜັດກັບບັນຫາຢ່າງຕັ້ງໜ້າ ແລະມີຄວາມຮັບຜິດຊອບ. ພິເສດແມ່ນ ຮາມາດສ ໃຫ້ຄຳໝັ້ນສັນຍາຈະປ່ອຍຕົວປະກັນທີ່ຖືສອງສັນຊາດອິດສະຣາແອັນ - ອາເມລິກາ ແລະສົ່ງຊາກສົບຕົວປະກັນ 4 ຄົນ ທີ່ຖືສອງສັນຊາດອື່ນ.

ແຫຼ່ງຄັດຈາກ: ວິທະຍຸ​ກະຈາ​ຍສຽງ​ຫວຽດນາມ